Category: समाचार

चुरामणि तिमिल्सिना रिडी १९

पाल्पा, गुल्मी र स्याङ्जाको संगमस्थल तथा पवित्र तीर्थस्थल रुरु क्षेत्र रिडी ऋषिकेश मन्दिर परिसरमा खाद्यान्न , लताकपडा फलफुल र एक दिने स्वास्थ्य परीक्षण कार्यक्रम सम्पन्न भएको छ।

नेपाल निजामती कर्मचारी युनियन जिल्ला कार्यसमिति गुल्मीको ३६औं स्थापना दिवसको अवसरमा आयोजित कार्यक्रममा कल्पवासी आमाबुबा तथा जेष्ठ नागरिकलाई खाद्यान्न, लत्ता कपडा, औषधि र फलफूल वितरण गरिएको थियो।कार्यक्रमका अध्यक्ष जिल्ला कार्यसमिति गुल्मीका अध्यक्ष मेघलाल पाण्डे को अध्यक्षतामा सम्पन्न कार्यक्रममा प्रमुख अतिथि गुल्मीका सहायक प्रमुख जिल्ला अधिकारी हरिप्रसाद गैरे रहनु भएको थियो।
उहाँले जेष्ठ नागरिक र कल्पवासीको सेवामा यस्ता कार्यक्रम महत्वपूर्ण रहेको उल्लेख गर्दै जिल्ला प्रशासन कार्यालय सधैं सहयोग गर्न तत्पर रहने प्रतिबद्धता जनाए।

कार्यक्रममा उपाध्यक्ष खिमराज पोखरेलले स्वागत मन्तव्य राख्नु भएको थियो। भने सचिव डी.बी. थापाले सहजीकरण गर्नु भएको थियो। । सो अवसरमा बिरामीलाई निःशुल्क औषधि वितरण र स्वास्थ्य परामर्श समेत प्रदान गरिएको थियो। जेष्ठ नागरिक सरस्वती देवी चालिसीले संस्थाले घरदैलोमै सेवा पुर्‍याएकोमा धन्यवाद व्यक्त गर्दै यस्ता कार्य निरन्तर हुने विश्वास व्यक्त गर्नु भयो। त्यस्तै, मन्दिर व्यवस्थापन समितिका सदस्य प्रकाशलाल श्रेष्ठले कार्यक्रमप्रति शुभकामना व्यक्त गर्दै आगामी दिनमा पनि निरन्तरता दिन आग्रह गर्दै धन्यवाद दिनु भयो।

चुरामणि तिमिल्सिना  रिडी भदौ  १६

रुरु क्षेत्रधाम रिडीमा रहेको शोभा भागवती माताको रथयात्रा निकालिएको छ। रिडी बजारस्थित भागवती मन्दिरको विभिन्न धार्मिक कार्यक्रम गरी परिक्रमा गराइएको थियो।

स्थानीयवासी सुवर्णलाल कक्षपतिका अनुसार परम्परागत रूपमा सञ्चालन हुँदै आएको रथयात्रामा विगतका केही वर्षयता परिमार्जन गर्दै ल्याइएको छ

। धार्मिक व्यक्तित्व जीवनकुमार कसजुले रिडी बजारमा रहेका मठमन्दिरहरूको वार्षिक विशेष पूजा, रथयात्रा र आपसी सद्भाव विकास गर्ने परम्परा निरन्तर रहँदै आएको जानकारी दिनुभयो।

समाजसेवी चन्द्रलाल कसाजुले शोभा भागवती मन्दिर कसले कहिले स्थापना गर्यो भन्ने विषयमा प्रामाणिक तथ्य फेला नपरेको र खोज अनुसन्धान भइरहेको बताउनुभयो।

रथयात्रामा बजारबासी, स्थानीय संघसंस्था, विद्यालय, महिला समूह, वित्तीय संस्था तथा सुरक्षा निकायको उल्लेखनीय सहभागिता रहेको थियो।

चुरामणि  तिमिल्सिना रिडी  भदौ १३

तानसेन नगरपालिका–१२, लुहुङस्थित लुम्बिनी माध्यमिक विद्यालयले शैक्षिक अन्तरक्रिया तथा सार्वजनिक सुनुवाइ कार्यक्रम सम्पन्न गरेको छ।कार्यक्रममा प्रधानाध्यापक दीपक गौतमले शैक्षिक तथा भौतिक पक्षका उपलब्धि र सुधार गर्नुपर्ने विषयहरूबारे जानकारी गराउनुभयो। त्यस्तै, लेखापाल युवराज पौडेलले विद्यालयको आर्थिक कारोबारको विवरण प्रस्तुत गर्नुभयो।विद्यालयको शैक्षिक गुणस्तर उकास्न विद्यालय व्यवस्थापन समिति, शिक्षक–अभिभावक सङ्घ, जनप्रतिनिधि, पूर्व पदाधिकारी, सम्पूर्ण शिक्षक–कर्मचारी र कक्षा ९ देखि १२ सम्मका विद्यार्थी प्रतिनिधिहरूले आ–आफ्नो जिम्मेवारी पूरा गर्ने प्रतिबद्धता व्यक्त गरेका छन्।कार्यक्रमले आगामी शैक्षिक सत्रलाई प्रभावकारी बनाउन प्रधानाध्यापक र शिक्षकबीच करार सम्झौता गर्ने, अतिरिक्त कक्षा सञ्चालन गर्ने, गृहकार्यमा अभिभावकको सक्रिय सहयोग सुनिश्चित गर्ने, होमवर्क डायरी कार्यान्वयन गर्ने, विद्यार्थीको उपस्थिति बढाउने, अभिभावक र सरोकारवालाले अनुगमन गर्ने तथा भौतिक सुधारका लागि योजना माग गर्ने निर्णय गरेको छ।सहायक प्रधानाध्यापक बलराम पाण्डेको स्वागत, प्रधानाध्यापक गौतमको सहजीकरण, लेखापाल पौडेलको सञ्चालन र विद्यालय व्यवस्थापन समितिका अध्यक्ष पुरुषोत्तम गैरेको अध्यक्षतामा कार्यक्रम सम्पन्न भएको थियो।

पाल्पा समाज जापानको चौथो अधिवेशन सम्पन्न, अध्यक्षमा वविन राना
जापान । पाल्पा समाज जापानको चौथो अधिवेशनले सम्पन्न गरेको छ ।
टोकियोमा अगस्ट २४ तारिख आईतवार पाल्पा समाज जापानले चौथो अधिवेशनले वविन रानाको अध्यक्षतामा नयाँ कार्यसमिति सम्पूर्ण पदाधिकारी तथा सदस्यहरूलाई सर्वसम्मतिबाट चयन गरेको हो ।
जापानमा बसोबास गर्ने पाल्पालीहरूको साझा संस्था पाल्पा समाजका अध्यक्ष निरन्जन गैरेको सभापतित्वमा सम्पन्न अधिवेशनमा समाजका सल्लाहाकार तोयानाथ पोखरेलको प्रमुख आतिथ्यता रहेको थियो ।

सांगठनिक अधिवेशनसँगै कार्यक्रमलाई सांस्कृतिक उत्सवको रूप पनि दिइएको थियो। हरितालिका तीजको पूर्वसन्ध्यामा आयोजित विशेष दर खाने कार्यक्रम ले जापानमा रहेका पाल्पालीहरूलाई एकै ठाउँमा ल्याएर पर्वको उल्लास साट्ने अवसर प्रदान गर्‍यो। अधिवेशन र तीजको कार्यक्रम दुवै भव्य रूपमा सम्पन्न भएको आयोजकले जनाएको छ।

अधिवेशनवाट बरिष्ठ उपाध्यक्षमा सुवास बस्याल र दूई उपाध्यक्षहरूमा सुमन न्यौपाने र ज्ञान जंग रायमाझी, महासचिवमा गंगालाल जि आर, सचिवमा बिश्व अर्याल,कोषाध्यक्षमा आकाश अर्याल र सह कोषाध्यक्षमा सागर पोखरेल निर्बिरोध चयन हुनुभएको निर्वाचन समितीका संयोजक भरत ज्ञवालीले जानकारी दिए । त्यसैगरी सदस्यहरुमा बिश्वबन्धु भण्डारी , युवराज अर्याल, बिबेक न्यौपाने, हिमाल अर्याल, नारायण भट्टराई, सागर अर्याल, मधुसुदन अर्याल र अस्मिता न्यौपाने चयन हुनुभएको छ ।

चुरामणि तिमिल्सिना रिडी भदौ १०

पाल्पा जिल्ला तानसेन नगरपालिका वडा नम्बर १४ अर्गली पुजारी गाउँका कृषक तथा सामाजिक अभियन्ता गीता भट्टराई भन्छिन् – “सबै दिदीबहिनी माइत गएका छन्, मेरा पनि नन्द–अमाजु माइत आएका छन्। तर, म भने मकैको चटारोले गर्दा घरमै व्यस्त भएँ।”

गीता भट्टराई र उनका श्रीमान् अच्युत भट्टराईलाई यसपालि तीज पर्वले खासै छोएन। बारीभरि, दलानभरि र ढिकाभरि सुकाउन राखिएका मकै व्यवस्थापनमै उनीहरू व्यस्त छन्।

अच्युत भट्टराईका अनुसार मौसमअनुसारको खेतीपाती गर्दा खाद्यान्नको कमी छैन। यस वर्ष मात्र ४५ मुरीभन्दा बढी मकै उत्पादन भएपछि हातैले मात्र सम्भव नभएकाले उपकरण प्रयोग गरी सुकाउने काम भइरहेको छ।

“सबैजना दर खाने काममा व्यस्त छन्, हामी भने कामसँगै परिवारले सन्तुलन मिलाउँदै रमाइलो गर्छौँ,” गीता भट्टराई भन्छिन्। गाउँभरि तीजका गीत गुञ्जिरहे पनि भट्टराई परिवार भने मकै व्यवस्थापनमै व्यस्त छ।

प्रत्येक वर्ष मकैबाट राम्रो आम्दानी गर्दै आएका भट्टराई दम्पतीले यस वर्ष पनि उस्तै आशा राखेका छन्। उनीहरू भन्छन्– “पर्व नमान्दा पनि हामी उत्पादन र आम्दानीमै सन्तुष्ट छौँ।” यति मात्रै होइन गीता भट्टराईका श्रीमान अच्युत भट्टराई बिहान कलेज पढाउन व्यस्त हुनुहुन्छ दिउँसो विद्यालय जान यस्तै गीता भट्टराई लाई सामाजिक काम भनेपछि हुरुक्कै हुने प्रवृत्तिले गर्दा अझै घरधन्दामा समय कम दिँदा पनि यसरी उत्पादन भएको देख्दा आफूहरू खुसी भएको बताउनुहुन्छ

भदौँ-१०
भाद्र शुक्ल तृतीया अर्थात् तीज पर्व सनातन धर्मावलम्बी महिलाहरु मंगलबार उमामहेश्वरको व्रत तथा पूजा-आराधना गरी मनाउँदैछन्।

भाद्र शुक्ल तृतीयाका दिन बिहान सबेरै उठी स्नान गरी दिन भर व्रत बस्ने र उमामहेश्वरको आराधना गर्ने परम्परा रहेको छ।

सत्ययुगमा हिमालय र मेनकाकी पुत्री पार्वतीले निराहार व्रत बसी कठिन तपस्या गरेको र महादेव पति पाएको पौराणिक सन्दर्भ छ। त्यसैले विधिपूर्वक व्रत बस्दा मनोकांक्षा सिद्ध हुने विश्वास गरिन्छ।

सक्नेले दिनभर पानीसमेत नखाई व्रत बस्ने साँझ पौराणिक विधिले उमामहेश्वरको पूजा गर्ने, कथा सुन्ने विधान छ। धर्मशास्त्री प्रा.डा. रामचन्द्र गौतमले निराहार, जलाहार र फलाहार गरी व्रतका तीन किसिम रहेको बताउनु भयो। ‘सक्नेले निराहार, नसक्नेले जलाहार र जलाहार पनि नसक्नेले फलाहार व्रत बस्नु उत्तम हुन्छ’, उहाँले भन्नु भयो भोलिपल्ट सबेरै ‘लोापामुद्रा’लाई अर्घ्य दिए पछि तीजको व्रत पूर्ण भएको मानिन्छ।

विवाहिताले पति र छोराछोरीको सुस्वास्थ्यको कामना गर्ने र अविवाहिताले असल पतिको कामनामा व्रत बस्ने परम्परा छ। अटल सौभाग्य र असल सन्तान प्राप्तिको कामना सहित विवाहितले तथा असल वर तथा वधुप्राप्तिका लागि अविवाहितले ​पनि तीजको व्रत बस्ने विधान रहेको धर्मशास्त्री ​प्राडा देवमणि भट्टराईले बताउनु भयो। व्रतलाई संकुचित अर्थमा लिन नहुने उहाँको भनाइ छ।

आज काठमाडौंस्थित पशुपतिनाथ, गोकर्णेश्वर, ललितपुरको कुम्भेश्वर, सन्तानेश्वर, सिन्धुलीको कुशेश्वर, सिन्धुपाल्चोकको फटकेश्वर र दोलखाको भीमेश्वरलगायत देशभरका शिवालय मन्दिरमा श्रद्धालुको घुइँचो लाग्छ।

तीजका लागि माइतीले चेलिबेटीलाई निम्तो गर्ने, सम्भव भएसम्म सबै दिदीबहिनी एकै थलोमा जम्मा हुने र अघिल्लो दिन बेलुकी ‘दर’ खाने चलन छ। वर्षभर घरव्यवहारमा भोगेका दुःखकष्ट सामूहिकरूपमा पोखेर उनीहरू नाचगान गर्छन्।पछिल्लो समय तीज मनाउने मौलिक परम्परा भने फेरिदैँ गएको छ।

भदौँ-१०
भाद्र शुक्ल तृतीया अर्थात् तीज पर्व सनातन धर्मावलम्बी महिलाहरु मंगलबार उमामहेश्वरको व्रत तथा पूजा-आराधना गरी मनाउँदैछन्।

भाद्र शुक्ल तृतीयाका दिन बिहान सबेरै उठी स्नान गरी दिन भर व्रत बस्ने र उमामहेश्वरको आराधना गर्ने परम्परा रहेको छ।

सत्ययुगमा हिमालय र मेनकाकी पुत्री पार्वतीले निराहार व्रत बसी कठिन तपस्या गरेको र महादेव पति पाएको पौराणिक सन्दर्भ छ। त्यसैले विधिपूर्वक व्रत बस्दा मनोकांक्षा सिद्ध हुने विश्वास गरिन्छ।

सक्नेले दिनभर पानीसमेत नखाई व्रत बस्ने साँझ पौराणिक विधिले उमामहेश्वरको पूजा गर्ने, कथा सुन्ने विधान छ। धर्मशास्त्री प्रा.डा. रामचन्द्र गौतमले निराहार, जलाहार र फलाहार गरी व्रतका तीन किसिम रहेको बताउनु भयो। ‘सक्नेले निराहार, नसक्नेले जलाहार र जलाहार पनि नसक्नेले फलाहार व्रत बस्नु उत्तम हुन्छ’, उहाँले भन्नु भयो भोलिपल्ट सबेरै ‘लोापामुद्रा’लाई अर्घ्य दिए पछि तीजको व्रत पूर्ण भएको मानिन्छ।

विवाहिताले पति र छोराछोरीको सुस्वास्थ्यको कामना गर्ने र अविवाहिताले असल पतिको कामनामा व्रत बस्ने परम्परा छ। अटल सौभाग्य र असल सन्तान प्राप्तिको कामना सहित विवाहितले तथा असल वर तथा वधुप्राप्तिका लागि अविवाहितले ​पनि तीजको व्रत बस्ने विधान रहेको धर्मशास्त्री ​प्राडा देवमणि भट्टराईले बताउनु भयो। व्रतलाई संकुचित अर्थमा लिन नहुने उहाँको भनाइ छ।

आज काठमाडौंस्थित पशुपतिनाथ, गोकर्णेश्वर, ललितपुरको कुम्भेश्वर, सन्तानेश्वर, सिन्धुलीको कुशेश्वर, सिन्धुपाल्चोकको फटकेश्वर र दोलखाको भीमेश्वरलगायत देशभरका शिवालय मन्दिरमा श्रद्धालुको घुइँचो लाग्छ।

तीजका लागि माइतीले चेलिबेटीलाई निम्तो गर्ने, सम्भव भएसम्म सबै दिदीबहिनी एकै थलोमा जम्मा हुने र अघिल्लो दिन बेलुकी ‘दर’ खाने चलन छ। वर्षभर घरव्यवहारमा भोगेका दुःखकष्ट सामूहिकरूपमा पोखेर उनीहरू नाचगान गर्छन्।पछिल्लो समय तीज मनाउने मौलिक परम्परा भने फेरिदैँ गएको छ।

चुरामणि तिमिल्सिना  रिडी  भदौ ९

पाणिनी गाउँपालिकामा करिब दुई वर्ष कार्यरत रहनुभएका प्रमुख प्रशासकीय अधिकृत रोमनाथ न्यौपाने गैडहवा गाउँपालिका र सब–इन्जिनियर रञ्जु पोखरेल तिलोत्तमा नगरपलिकामा सरुवा भई जाने अवसरमा विशेष ‘फेरि भेटौँला’ कार्यक्रममार्फत बिदाइ गरिएको छ।

बिदाइ कार्यक्रममा गाउँपालिका अध्यक्ष टेकराज न्यौपानेको अध्यक्षता रहेको थियो यस्तै उपाध्यक्ष नर्मदा पौडेल, वडाका वडा अध्यक्ष हरु जन प्रतिनिधि बिद्यालययका प्रधानाध्यापक , पालिकाका कर्मचारीसहित विभिन्न सरोकारवालाको उपस्थितिमा कार्यक्रम आयोजना गर्दै उहाँहरूको आगामी कार्यकाल सफल र सार्थक होस् भन्ने शुभकामना समेत व्यक्त गरिएको थियो। अधिकृत न्यौपाने सरल स्वभाव कम बोल्ने काममा बढि समय प्रदान गर्ने , समस्या परेका लाई तत्काल छलफल गरि समाधानको बाटो औल्याउने खालका हुनुहुन्थियो ।

अधिकृत न्यौपानेले कार्यक्रममा आफुले बिताएका अनुभवहरू साझा गर्दै आफ्नो कार्यकाल अवधिमा सहयोग गर्नुहुने सबैलाई धन्यवाद व्यक्त समेत गर्नुभयो।

अर्घाखाँची   गुरुदेव खनाल  भदौ ९

सोमबार   ईम्बुस नम्बर प्लेट प्रणालीको विरोध अर्घाखाँची जिल्लामा गरिएको छ सोही जिल्लाको सन्धिखर्क नगरपालिका २ भक्तिटोला चोकमा स्वतन्त्र युवा नागरिक हरूको साेतह स्पुत आयोजनामा इम्बोस् नम्बर सिस्टम चाहिँदैन। नागरिक लुट्न पाइँदैन इम्बोस सिस्टम खारेज गर नेपाली भाषा मेट्न पाइँदैन। लगायतका विभिन्न नारा लेखिएका प्लेकार्ड सहितको नारा जुलुस कार्यक्रम कोण सभा सम्पन्न भएको छ ।
स्वतन्त्र पत्रकार अर्घाखाँचीका अध्यक्ष गुरुदेव खनालको आयोजना सँगै सञ्चालन गरेका थिए स्वतन्त्र तथा समाजसेवी नागरिक हेमराज भुसालले इम्बोस नम्बर सिस्टमको विरोध गर्न पर्ने अवस्था र यसले नागरिकलाई पर्न गएको असरको बारेमा सम्बोधन गरेका थिए। विरोध प्रदर्शनमा निकै बाक्लो उपस्थिति देखिएको थियो ।

–

चुरामणि तिमिल्सिना  रिडी  भदौ  ९

तीज पर्व नजिकिँदै गर्दा अघिल्लो दिन अर्थात् दर खाने दिन देशभरका सडक तथा यातायात सेवामा यात्रुको चाप असामान्य रूपमा बढ्ने गरेको छ। आज पनि विभिन्न स्थानमा घर फर्किने यात्रुहरूको भीड देखिएको छ।

घर पुग्न गाडी छुट्ने डरले लामो समयदेखि बसपार्कमा प्रतीक्षा गरिरहेका यात्रुहरू आफ्ना परिवारसँग दर खाने उत्साहका साथ घरतर्फ लागेका छन्। तीमध्ये केही यात्रुले भने, “दर खानकै लागि विशेष गरी आज अनिवार्य रूपमा घर पुग्नुपर्ने भएकाले बस कुर्दै छौँ,” भन्ने बताएका छन्।

यातायात व्यावसायीहरूका अनुसार तीजकै दिनभन्दा अघिल्लो दिन धेरै यात्रुहरूको भीड हुने भएकाले चापलाई व्यवस्थापन गर्न अतिरिक्त बस सञ्चालन गरिने जानकारी दिएका छन्।