Blog

चुरामणि  तिमिल्सिना  असार ७ रिडी

गुल्मी जिल्ला छत्रकोट गाउँपालिका वडा नम्बर ४ दिगाम अमराइका ५८ वर्षीय तिलकराम सुवेदीले सवारी चलाउँदै गरेको ३३ वर्ष पुगेछ। ३३ वर्षदेखि निरन्तर रुपमा यातायातमा रम्दै आएका सुबेदिलाई कहिल्यै थकाइ लागेन ।उनी घरमा बस्न भन्दा यात्रा गर्न र गराउनमा खुसी हुन्छन्। सानैदेखि यातायात चलाउने रहर गरेका सुबेदि सडकमा रम्न रुचाउने गर्दछन्।

सुन्दा पनि अचम्म परिवारले भो बाबा अब त घरमै बसेर आनन्द लिनुहोस भनेर बारम्बार आग्रह गर्छन्। श्रीमती लक्ष्मी कुमारी सुवेदीले पनि अब धेरै कति चलाउनुहुन्छ गाडी अरुलाई र आफू यात्रा गर्दागर्दै जिन्दगी नै सकिन लाग्यो।भो अब त घरमै बसौँ। आनन्द लिगौ भनेर भन्थिन् केही महिना विश्राम लिन मन भो तर मनले मानेन पुनः यात्रामै फर्किए। गुल्मीको छत्रकोटदेखि बुटवलसम्म दैनिक कालो प्लेटमा यात्रा गराउन सफल भएका सुवेदी बा यसैमा खुशी हुनुहुन्छ ।उहाँले बन्द बोडि बोलेरो चलाउँदै यात्रा गर्नुहुन्छ।

सडकमा प्रहरी पोस्ट प्रशस्त रहेका छन श्रीङ्गा, रिडी ,यस्तै हार्थोक तानसेन, बर्तुङ, दोभान र बुटवल यी यातायातका चेकिङ हुने प्रमुख क्षेत्र हुन्। तर अहिलेसम्म तिलकरामलाई प्रहरीले चेकिङ गरेन न त कहिल्यै सोधपुछ गर्यो न त लाइसेन्स नै खोज्यो। गाडीमा ढाका टोपी लगाएर ज्वारीकोट लगाएर हिँडेका सुवेदी बा पुलिसले नबोलाउँदै पुलिसलाई नमस्कार गर्ने बानी बसालेका कारणले आज सुवेदी लाई प्रहरीले कहिले कहिले पनि चेकजाँच गरेन बाको इमान्दारिता निकै रहेछ। बासँग रिडीदेखि बुटवलसम्म यात्राको क्रममा दुःख सुखका र रमाइला गफ गर्दै पुगियो। बाका गफ सुन्दै प्रहरीलाई गर्ने सम्मान यात्रीलाई ओलार्ने र झराल्ने बेलामा गरेको त्यो सम्मान र त्यो विदाईले सुबेदिको गाडीमा नचण्डने यात्री बिरलै भेटिए ।

न घाम न पानी न जाडो जुनसुकै समयमा पनि सुवेदी बा अमराइबाट निस्किनछन। सुवेदी बाले अहिलेसम्म बिट मार्ने योजना बनाएनन् न त बाको गाडी सानो छ न त ठूलो क्षमता भएको छ नौवटा सिट क्षमता भएको गाडीमा आएको पनि लामो समय भएछ। बाले थप्दै भनुभयो सम्मान गर्ने तरिकाले आज प्रहरीले कहिलै सोधपुछ गरेन झन्डै गाडीको सबै खर्च कटाएर ४०-४५ हजार आफूले बचत गर्न सफल भएको बताउनु भयो ।
आफ्ना छोराछोरीलाई उच्च शिक्षा दिएर छोरीलाई विवाह गराएर पठाए र छोराले पनि राम्रो शिक्षा अध्ययन गरिरहेको छ। यो मेरो कमाईबाट हो। कोही मान्छे नभए पनि बाटोमा भेटि हाल्छ कि कतै मेरो सुवेदी एक्सप्रेस त कुरेका छैनन् भन्ने पनि लाग्न थाल्यो। तेहि कारणले पनि आज यो गाडीले मलाई दैनिक बुटवल पुर्याएको छ। म कसैसँग दुश्मन हुन चाहन्न । मेरो सवारीमा आइदिए हुन्थ्यो नि भन्ने भावना कहिल्यै मनमा लागेन । यसैमा सन्तुष्टि लागेको छ। हुन त मेरो त्यस्तो केही मोहित पार्ने क्षमता छैन तर पनि यात्रीहरु आउने गर्दछन्। किनकि मेरो एउटा बानी छ सिट क्षमताभन्दा कुनै पनि यात्रीहरुलाई यात्रा नगराउने , समयमा निश्चित स्थानमा पुग्न सकिने र यात्रीहरू पनि गन्तव्य स्थानमा सजिलै पुग्ने हुँदा आज यात्रीहरु सुवेदी नै रोजेको देखिन्छ । ३३ वर्षसम्म यातायात चलाए तर अहिलेसम्म कुनै पनि दिन सवारी दुर्घटना हुन परेन सायद घरबाट निस्किने क्रममा पत्नी लक्ष्मीले बालेको दियो तुलसीको मठको आशीर्वाद र भगवानको कृपाले आजसम्म मलाई राम्रै हुन पुगेको छ। र भोलिका दिनमा पनि कुनै अप्रिय घटनाहरु नघटुन भन्ने आशा र अपेक्षा लिँदै आएको आउनुभयो। बालाई सम्मान चाहिएको छैन । यात्री सम्बन्धित निश्चित ठाउँमा पुग्न चाहेका छन् । नजिकै पर्ने गाउँ र टोलमा भने बाले घर आँगनमै पुर्‍याएको कारणले आज यात्रीहरू सन्तुष्टि देखिन्छन् र दैनिक सम्पर्कमा रहने गर्छन् । तर बालाई फोन गर्नेको लर्को लाग्ने रहेछ। अझ अचम्मको कुरा के छ भने यो जमानामा पनि सबै यातायातका साधनामा प्राय गरी गीत बज्ने र बजाउने चर्को आवाज दिने खालका म्युजिकहरू बज्ने गर्छन्। तर बाले यस विषयलाई विशेष केन्द्रबिन्दु नबाइ यात्रा गराउनु हुन्छ छ। किनकि आफूले यसरी ठूलो मोबाइल गीत बज्ने मोबाइल यात्रामा प्रयोग नगरेको बताए । यसले गीत बजाउँदै गर्दा दुर्घटना समेत हुन सक्ने सम्भावना भएकाले कुनै गीत बजाउने र मोबाइल बोक्ने रहर गर्नुभएन। जतिखेर यात्राबाट काम सकेर घर फर्किएपछि पत्नी लक्ष्मी कुमारी संगै सामाजिक सञ्जाल प्रयोग गरी दिनभरि के के भए छ भनेर खवर हेर्न मन पराउनुहुन्छ । त्यसैले सुवेदी बा अहिलेसम्म यात्रा गराउदै रम्नु भएको छ

धुर्कोट गाउँपालिका–३ हाडहाडेमा सार्वजनिक सुनुवाई कार्यक्रम सम्पन्न
२०८२/०३/०५

गुल्मी । गुल्मीको धुर्कोट गाउँपालिका वडा नम्बर ३ हाडहाडेमा सार्वजनिक सुनुवाई कार्यक्रम सम्पन्न भएको छ । कार्यक्रमको क्रममा स्थानीय जनताले उठाएका गुनासा, सुझाव र जिज्ञासाहरूको सम्बन्धित सरोकारवालाले प्रत्यक्ष जवाफ दिएका थिए ।

गाउँपालिका अध्यक्ष भुपाल पोख्रेल उपाध्यक्ष सिता गिरी, वडा अध्यक्ष पदम बहादुर बिस्ट, हाडहाडे स्वास्थ चौकी प्रमुख बाबुराम पोख्रेल , सोमर भोमर माबिका प्रधानाध्यापक कृष्ण काउछा , निन्यु माध्यमिक विद्यालयका बिध्यार्थी र वडा सचिव नारायण पन्थिले ले जनताले राखेका प्रश्नहरूको जवाफ दिनुभएको थियो ।

कार्यक्रममा जनताले विद्यालयको समस्या, स्वास्थ्य सेवाको असन्तुलन, कृषिमा प्रविधिको अभाव, विकास निर्माणमा ढिलाई लगायत विषयमा असन्तुष्टि व्यक्त गरेका थिए ।

गाउँपालिका अध्यक्ष भुपाल पोखेल ले भन्नुभयो, “हामी प्रत्यक्ष जनतामाझ आएर उहाँहरूको समस्या सुन्न अनि समाधानको लागि जवाफदेही हुन यो कार्यक्रम गरेका हौँ । तपाईँहरूले गुनासो राख्न पाउनुभयो, हामीले जवाफ दिन पायौँ – यो नै लोकतन्त्रको सुन्दर अभ्यास हो।”

वडा अध्यक्ष पदम बिस्टले वडाले चालु आर्थिक वर्षमा गरेका काम, आगामी योजना, बजेटको विषयमा जानकारी गराउनुभयो । साथै, नागरिकको चासोअनुसार प्राथमिकता तय गरिने कुरा पनि व्यक्त गर्नुभयो ।

कार्यक्रममा टोल विकास समितिका अध्यक्ष, प्रतिनिधि, महिला स्वास्थ्य स्वयंसेविकाहरू, विद्यालय व्यवस्थापन समिति, महिला समूह, कृषक समूह, जनप्रतिनिधि, विद्यार्थी, स्थानिय क्लब र युवा लगायतको उल्लेखनीय उपस्थिति थियो । कार्यक्रमको सन्चालन हुमाकान्त पोखेलले गर्नु भएको थियो

धुर्कोट गाउँपालिका–६ रजस्थलमा सार्वजनिक सुनुवाई कार्यक्रम सम्पन्न
२०८२/०३/०३

गुल्मी । गुल्मीको धुर्कोट गाउँपालिका वडा नम्बर–६ रजस्थलमा सार्वजनिक सुनुवाई कार्यक्रम सम्पन्न भएको छ । कार्यक्रमको क्रममा स्थानीय जनताले उठाएका गुनासा, सुझाव र जिज्ञासाहरूको सम्बन्धित सरोकारवालाले प्रत्यक्ष जवाफ दिएका थिए ।

गाउँपालिका उपाध्यक्ष सिता गिरी, वडा अध्यक्ष कृष्ण बहादुर नेपाली, धुर्कोट आधारभूत अस्पतालका डाक्टर लाल बहादुर थापा, धुर माध्यमिक विद्यालयका प्रधानाध्यापक लक्ष्मीप्रसाद खनाल, इन्दिरा माध्यमिक विद्यालयका प्रधानाध्यापक कृष्ण बहादुर केसी र वडा सचिव मिनबहादुर घर्ती ले जनताले राखेका प्रश्नहरूको जवाफ दिनुभएको थियो ।

कार्यक्रममा जनताले विद्यालयको समस्या, स्वास्थ्य सेवाको असन्तुलन, कृषिमा प्रविधिको अभाव, विकास निर्माणमा ढिलाई लगायत विषयमा असन्तुष्टि व्यक्त गरेका थिए ।

गाउँपालिका उपाध्यक्ष सिता गिरीले भन्नुभयो, “हामी प्रत्यक्ष जनतामाझ आएर उहाँहरूको समस्या सुन्न अनि समाधानको लागि जवाफदेही हुन यो कार्यक्रम गरेका हौँ । तपाईँहरूले गुनासो राख्न पाउनुभयो, हामीले जवाफ दिन पायौँ – यो नै लोकतन्त्रको सुन्दर अभ्यास हो।”

वडा अध्यक्ष कृष्ण बहादुर नेपालीले वडाले चालु आर्थिक वर्षमा गरेका काम, आगामी योजना, बजेटको विषयमा जानकारी गराउनुभयो । साथै, नागरिकको चासोअनुसार प्राथमिकता तय गरिने कुरा पनि व्यक्त गर्नुभयो ।

कार्यक्रममा टोल विकास समितिका अध्यक्ष, प्रतिनिधि, महिला स्वास्थ्य स्वयंसेविकाहरू, विद्यालय व्यवस्थापन समिति, महिला समूह, कृषक समूह, जनप्रतिनिधि, विद्यार्थी, स्थानिय क्लब र युवा लगायतको उल्लेखनीय उपस्थिति थियो । कार्यक्रमको सहजीकरण पत्रकार रमेश पन्थी ले गर्नुभएको थियो भने संचालन बासुदेव पोखरेल ले गर्नुभएको थियो । साथै कार्यक्रममा वडा सचिव मीन बहादुर जिसिले गाउपालिका बाट परेका योजना छनोटको प्रक्रिया , स्थानीय बालमैत्री कार्यक्रम र यसको प्रभावकारिता काम भएका योजना तथा नभएका योजनाको बारेमा जानकारी दिनु भएको थियो जसमा यो आर्थिक बर्षमा ७७ वटा योजना परेकोमा ६७ वटा सम्पन्न भएको , ७ वटा भुक्तानी हुन बाकी , ३ वटा काम नभएको बताउनु भयो । यस्तै वडा स्तरमा ४ वटा सप्टोयर , ८ वटा बाल क्लब दर्ता रहेको पनि उहाले बताउनु भयो ।धुर्कोट गाउपालिका वडा न ६ मा यश आर्थिक बर्षमा १ करोड ८७ लाख २८ हजार ३२”रुपैया सामाजिक सुरक्षा तर्फ बितरण गरि भने ५५३ जनाले लाभ लिनु भएको छ यस्तै राजस्व तर्फ यो आर्थिक बर्षमा ४ लाख उठाउने लक्ष्य रहेता पनि ३लाख ६० हजार राजस्व उठाइएको उहाले छ । भने अर्को बर्ष मा ५ लाख उठाउने लक्ष्य रहेको सचिव घर्तीले बताउनु भएको छ । धुर्कोट गाउपालिका वडा न ६ मा यो बर्ष १९ परिवार बसाइँ सराइ गरेको बताउनु भयो ।

गुल्मी जिल्लामा उत्पादित धानको चामल बजारमा आएको छ धुर्कोट गाँउपालिकाका किसानले उत्पादन गरेको धानलाई ब्यबसायी रुपमा बजारीकरण गर्न धुर्कोटे चामल नामाकरण गरीएको हो धुर्कोट गाउँपालिका वडा नम्बर ६ सिस्तुङका किसान मेघनाथ अर्यालले उत्पादन गरेको धानको चामललाई नै ‘धुर्कोटे चामल’ को नाममा ब्राण्डिङ गरी बजारमा पठाइएको हो ।

स्थानीय उत्पादनलाई प्रवर्द्धन गर्दै व्यावसायिकीकरणतर्फ अघि बढाउने उद्देश्यले उक्त चामललाई ब्राण्डिङ, लेबलिङ तथा प्याकेजिङ गरी बजारमा पठाइएको हो । २५ किलोग्रामको बोरामा प्याक गरिएको चामललाई धुर्कोट गाउँपालिकाका अध्यक्ष भुपाल पोखरेलले एक कार्यक्रमकाबीच चामल प्याकेजिङ कार्यको शुभारम्भ गरेसंगै बजारीकरण शुरु भएको छ । धुर्कोट गाउँपालिकाको सहयोगमा हेफर नेपालको प्राविधिक साथ रहेको बताइएको छ । २५ किलाको बोरालाई २ हजार ५ सयमा बेच्ने गरी मूल्य तयार पारीएको छ । गत सालको मंसिर महिनामा किसान अर्यालले पहिलोपटक उत्पादन गरेको ४ सय मुरी धानको निक्कै चर्चामा आएको थियो ।

दाङ । लुम्बिनी प्रदेश सरकारले आगामी आर्थिक वर्ष २०८२/०८३ का लागि आज (आइतबार) बजेट प्रस्तुत गर्ने भएको छ । प्रदेश सभाको तेह्रौँ बैठक दिउँसो ३ बजे बस्ने तय भएको छ । उक्त बैठकमा आर्थिक मामिला तथा योजना मन्त्री धनेन्द्र कार्कीले राजस्व र व्ययको वार्षिक अनुमान प्रस्तुत गर्ने कार्यक्रम रहेको प्रदेश सभा सचिव दुर्लभकुमार पुनमगरले जानकारी दिएका छन् ।

बजेटसँगै मन्त्री कार्कीले ‘प्रदेश सरकारको अर्थ सम्बन्धी प्रस्तावलाई कार्यान्वयन गर्न बनेको विधेयक’ पनि प्रदेश सभामा पेश गर्ने कार्यक्रम छ । नीति तथा कार्यक्रमको आधारमा तयार गरिएको यो बजेटले लुम्बिनी प्रदेशको समृद्धि, सुशासन र सामाजिक न्यायलाई सन्तुलितरूपमा सम्बोधन गर्ने अपेक्षा गरिएको छ ।

लुम्बिनी प्रदेश सरकारले आगामी वर्षको बजेटमा कृषि, रोजगारी, पूर्वाधार, पर्यटन, शिक्षा, स्वास्थ्य, उद्योग, वातावरण, सूचना प्रविधि र सामाजिक सुरक्षालाई प्रमुख प्राथमिकतामा राख्ने तयारी गरेको छ ।

मुख्यमन्त्री चेतनारायण आचार्यले बार्षिक नीति तथा कार्यक्रमको जगमा उभिएर सरकारले बजेट ल्याउन थालेको बताएका छन् । प्रदेशको समृद्धि र विकासलाई लयमा हिडाउनेगरी सरकारले बजेटका प्राथमिकताहरु तय गरेको मुख्यमन्त्री आचार्यले स्पष्ट पारेका छन् ।‘प्रदेशबासीको विकास प्रतिको तिब्र चाहनालाई बजेटले प्राथमिकतामा राखेको छ’ आचार्यले भने,‘कृषि, पर्यटन, उद्योग लगायतलाई समृद्धिको आधारको रुपमा मानेका छौं ।’ मुख्यमन्त्री चेतनारायण आचार्यले नीति तथा कार्यक्रमको जगमा उभिएर बजेट ल्याइने स्पष्ट पार्दै, यस बजेटले लुम्बिनी प्रदेशको समग्र समृद्धि र जनताको जीवनस्तर उकास्न सघाउने विश्वास व्यक्त गरेका छन् । उनले बजेटले प्रदेशको सामाजिक र आर्थिक रूपान्तरणमा टेवा पु¥याउने समेत बताए ।

चालू आर्थिक वर्ष २०८१/८२ मा लुम्बिनी प्रदेशले ३८ अर्ब ९७ करोड रुपैयाँको बजेट ल्याएको थियो । आगामी वर्षका लागि बजेटको आकार केही घटाएर ल्याउने तयारी सरकारको रहेको छ । स्रोत परिचालनमा देखिएको चुनौती, खर्चको प्रभावकारिता र प्राथमिकताका पुनःनिर्धारणका आधारमा बजेटको आकार सन्तुलित बनाइने जनाइएको छ । सरकारले ल्याउन लागेको बजेटले समावेशी, जनउत्तरदायी र परिणाममुखी नीति र कार्यक्रममार्फत लुम्बिनी प्रदेशको समृद्धि यात्रालाई नयाँ गति दिने अपेक्षा गरिएको छ ।

कृषि र रोजगारीलाई प्राथमिकता
प्रदेश सरकारले कृषिमा यान्त्रीकरण, बीउ तथा मलको सहज आपूर्ति, सिंचाइको पहुँच विस्तार, कृषि बजार व्यवस्थापन, अनुसन्धान तथा प्रविधिको हस्तान्तरण, किसानलाई सहुलियतपूर्ण ऋण तथा बीमा जस्ता कार्यक्रमलाई बजेटको प्राथमिकतामा राखेको छ । कृषि उत्पादन बढाएर रोजगारी सिर्जना गर्ने र ग्रामीण अर्थतन्त्र सशक्त बनाउने उद्देश्य सरकारले लिएको छ । युवाहरूलाई उद्यमशीलता र सीपमूलक तालिममार्फत रोजगारीमा जोड्ने, स्वरोजगार कार्यक्रम विस्तार गर्ने, घरेलु तथा साना उद्योगको प्रवद्र्धन गर्ने जस्ता कार्यक्रम पनि बजेटको केन्द्रमा हुने छन् । रोजगारी सिर्जना गर्ने कार्यक्रमहरूलाई लक्षित बजेट निर्माणमा सरकार केन्द्रीत भएको जनाइएको छ ।

पूर्वाधार र विकास निर्माणमा जोड
पूर्वाधार निर्माणलाई गतिशील बनाउन सडक, पुल, सिंचाइ, खानेपानी, ऊर्जा, आवास तथा डिजिटल पूर्वाधारको विकासमा ठूला बजेट विनियोजन गरिने सरकारको तयारी छ । प्रदेश राजमार्ग विस्तार, ग्रामीण सडक स्तरोन्नति, नदी नियन्त्रण, र स्थानीय पूर्वाधारमा लगानी वृद्धि गरिदैछ । त्यस्तै, पर्यटन प्रवद्र्धनका लागि बौद्ध दर्शन मार्गको विकास, लुम्बिनी र आसपासका क्षेत्रको संरचना सुधार, आन्तरिक तथा बाह्य पर्यटक आकर्षणका कार्यक्रम सञ्चालन गरिने जनाइएको छ । लुम्बिनीलाई अन्तर्राष्ट्रिय धार्मिक तथा सांस्कृतिक गन्तव्यको रूपमा उभ्याउने रणनीति बजेटमा समेटिनेछ ।

शिक्षा, स्वास्थ्य र सामाजिक सुरक्षा
शिक्षा क्षेत्रमा गुणस्तरीय शिक्षा प्रवाह, विद्यालय सुधार योजना, प्रविधिमैत्री शिक्षा कार्यक्रम, तालिम केन्द्र स्थापना, प्राविधिक तथा व्यावसायिक शिक्षा प्रवद्र्धन जस्ता कार्यक्रमहरू बजेटमा प्राथमिकतामा परेका छन् । स्वास्थ्य सेवाको पहुँच विस्तार, सुविधा अभावमा रहेका अस्पतालको स्तरोन्नति, विशेष उपचार सेवाको विकास, सुरक्षित मातृत्व कार्यक्रम तथा दूरदराज क्षेत्रका स्वास्थ्य संस्थामा जनशक्ति तथा औषधि सुनिश्चिततामा बजेट केन्द्रित गरिने छ । अपांगता भएका व्यक्तिहरूको संरक्षण, बालबालिका र ज्येष्ठ नागरिकका लागि लक्षित कार्यक्रम, महिला सशक्तिकरणका कार्यक्रम पनि बजेटमा समावेश गरिने तयारी भएको छ ।

रैनादेवी छहरा गाउँपालिका महिला सिप विकास कार्यक्रमअन्तर्गत तीन दिने अचार तालिम सम्पन्न भएको छ । लुम्बिनी प्रदेश सामाजिक विकास मन्त्रालयअन्तर्गत सामाजिक विकास डिभिजन कार्यालय पाल्पाको आर्थिक सहयोगमा, रैनादेवी छहरा गाउँपालिकाको समन्वय र मितिनी नेपालद्वारा आयोजित उक्त तालिममा ६० जना महिलाहरूको सक्रिय सहभागिता रहेको थियो ।

तालिमको गाउँपालिका अध्यक्ष रूक्मागत भट्टराईले तालिमको औपचारिक समापन गर्दै यस्ता सीपमूलक कार्यक्रमहरू महिलाको आत्मनिर्भरता र आर्थिक सशक्तिकरणका लागि महत्वपूर्ण हुने बताउनुभयो । स्थानीय स्रोत र सीपको उपयोग गर्दै अचार उत्पादन जस्ता गृह उद्योगको माध्यमबाट महिलाले आर्थिक उन्नति गर्न सक्ने हुदा तालिममा सिकेका कुरालाई व्यवहारिकता प्रदान गरि उधम बन्न आग्रह गर्नुभयो । साथै गाउपालिकाले उधमीहरूलाई गर्नुपर्ने सहयोग गर्ने बताउनुभयो ।

कार्यक्रममा गाउँपालिका उपाध्यक्ष युवराज थापा, प्रमुख प्रशासकीय अधिकृत कृष्ण प्रसाद ज्ञवाली, सूचना अधिकृत नारायण मल्ल, कृषि शाखा प्रमुख सिर्जना थापा, वडा प्रतिनिधिहरू तथा मितिनी नेपालका प्रतिनिधिहरू सानीमाया हिस्की, दुर्गा राना, रविता राना, निरु आले लगायतको उल्लेखनीय उपस्थिति रहेको थियो।

तालिमको सञ्चालन मितिनी नेपालकी कोषाध्यक्ष शान्ति झेडी थापाले गर्नुभएको थियो भने स्वागत मन्तव्य उपाध्यक्ष रञ्जना अर्यालले राख्नुभएको थियो। कार्यक्रम मितिनी नेपालकी अध्यक्ष सुनिता राणाको अध्यक्षतामा सम्पन्न भएको हो।

तालिममा सहभागी महिलाहरूले विभिन्न प्रकारका अचार बनाउने सीप सिक्नु भएको थियो ।। उहाहरूले सिकेको ज्ञान र सीपलाई प्रयोगमा ल्याई घरायसी तथा व्यावसायिक रूपमा उपयोग गर्ने योजना बनाएको बताउनुभएको थियो । कार्यक्रमले महिलाहरूमा स्वरोजगार र उद्यमशीलता विकासमा सकारात्मक प्रेरणा दिएको सहभागीहरूको प्रतिक्रिया थियो।

पोखरा । श्रीगण्डकी शतकुण्डीय गायत्री कोटीहोम विराट ज्ञान महायज्ञ शनिबारदेखि समापन भएको छ । ६१ दिन लामो कोटीहोममा करिब ४० लाख ५० हजार भक्तजन सहभागी भएको आयोजक मानव सेवा फाउण्डेशनले जनाएको छ ।
कोटीहोममा करिब नौ करोड रुपैयाँ संकलन भएको कोटीहोमका सङ्कल्पकर्ता बालयोगेश्वर श्रीविजय कृष्णमूर्तिजी महाराजले जानकारी दिए ।
कोटीहोमको सबै हिसावकिताव असार भित्रै फरफारक गरिने, पत्रकार सम्मेलन र सार्वजनिक सुनुवाई गरेरै आयव्यय सार्वजनिक गरिने उनले जानकारी दिए ।
संकल्पकर्ता महाराजजीले कोटीहोमको केही आम्दानी मानव सेवा फाउण्डेशन, छोरीको घर र मानव कल्याणमा लगाउने प्रण गरे । समापन कार्यक्रममा कोटीहोम सम्पन्न गर्न सघाउने सबैप्रति आभार व्यक्त गरे ।
समापनमा कोटीहोमका सहसंयोजक युवक लामिछानेले गणतन्त्रभित्र हिन्दू राज्य घोषणा हुनुपर्नेमा जोड दिए । उनले मामाघर अनाथ आश्रम बनाउनका लागि पाँच लाख, कोटीहोमका लागि एक लाख २५ हजार रुपैयाँ सहयोग गर्ने घोषणा गरे ।
कोटीहोममा आयोजित रक्तदानमा नौ सय छ युनिट रगत संकलन भएको छ । साथै कोटीहोममा हालसम्मकै ठूलो धनराशि पुरस्कार भएको राष्ट्रिय भजन प्रतियोगिता तथा वक्तृत्वकला भएको थियो ।
जेठ २६ गते पूर्णाहूति भएको हवनमा चार सय ब्राम्हणद्वारा एक करोड ५० लाख हवन भएको थियो ।
कोटीहोममा पाँच सय २५ जनाको आयोजित ब्रतवन्ध, एक सय २० जनाको तुलादान, एक सय ३५ जनाको चौरासी पूजा, एक सय ४६ जनाको नवग्रह शान्ति, १४ जनाको काल सर्प योग पूजा, पाँच जनाको अर्क विवाह, अष्ट महादान चार, पितृको अर्चना ३३, लघु रुद्री पाँच, अति रुद्री १८, विवाह एक, गुन्यू चोली पाँच, लाखवत्ती सेवा २२ अन्य पूजा ४५ जनाले गरेको प्रचारप्रसार संयोजक लोकराज ढकालले जानकारी दिए ।
कोटीहोमको हवन पूर्णाहूतिमा २१ करोड दीप प्रज्ज्वलन गरिएको थियो । कोटीहोम सफल भएको भन्दै पोखराका कृष्णराज अधिकारीले आठ मिनेट २५ सेकेण्ड लामो शंखघोष गरेका थिए भने तालबाराही मन्दिरमा एक हजार आठ नरिवल अर्पण गरिएको थियो । अधिकारीले शंखघोषसँगै हिन्दूराष्ट्र नेपालको समेत उद्घोष गरेका थिए ।
हवन कुण्डमा वैशाख १९ गते बिहान ६ बजेर ४५ मिनेटमा विधिवत् रूपमा अग्नि मन्थन, ७ बजेर १५ मिनेटमा यज्ञ कुण्डमा अग्नि प्रवेश, ७ बजेर १९ मिनेटमा अग्निमा समीधा दान र ८ बजेर ५ मिनेटमा अग्नि कुण्डमा आहुति प्रदान गरी शुरु भएको थियो ।
कुण्डमा तीन, तीन जना ब्राम्हणले हरेक दिन भगवती गायत्री मन्त्र विधिबाट हवन गरेका थिए । कोटीहोममा एक सय आठ भागवत महापुराण पाठ परायण, चार वेद पाठ परायण, सप्तचण्डी, अति रुद्री, मन्त्र जपलगायतमा ब्राम्हणले पाठ गरेका थिए ।
प्रचारप्रसार संयोजक ढकालका अनुसार कोटीहोममा भागवत मञ्जरी राधिका दासी, अन्तर्राष्ट्रिय कथा वाचिका देवी प्रतिभा, अनुराधा पाण्डे, व्यासाचार्य प्रशान्त कृष्ण परांकुश, वाचन प्रवीण पं. दिनबन्धु पोखरेल, युवा दार्शनिक चैतन्यकृष्ण महाराजलगायत साधु सन्तले महायज्ञमा कथा वाचन गरेका थिए ।
कोटीहोम पोखरा–१७ स्थित सदाशिवजी सिद्देश्वर हरिहर मन्दिर र स्थानीयको जग्गामा वैशाख १७ देखि जेठ ३१ सम्म सञ्चालन भएको थियो । यसअघि कोटीहोम जेठ २६ गते समापन हुने भनिए पनि भक्तजनको चापका कारण समयावधि थप भई ३१ गतेसम्म सञ्चालन भएको थियो ।
कोटीहोम समापनसँगै भागवत मञ्जरी राधिका दासीको भव्य बिदाई गरिएको छ । दासीले जेठ १७ देखि समापनसम्म श्रीमद्भागवत कथा वाचन गरेकी थिइन् । दासीको बिदाईमा कोटीहोममा सहभागी सबै भावविह्वल भएका थिए ।

रमेश पन्थी गुल्मी जेठ २६

धुर्कोट गाउपालिका वडा न ३ हाडहाडे गुल्मीमा धुर्कोट गाउपालिका स्तरिय प्राध्यापकहरु को बैठक सम्पन्न भएको छ । सोमरभोमर माद्यामिक बिध्यालयमा सम्पन्न भएको बैठक मा धुर्कोट गाउपालिका वडा न ३ मा अबस्थित श्री सोमरभोमर माद्यामिक बिध्यालयका प्राध्यापक कृष्ण काउछा को सभाध्यक्ष्यवाट शुरु भएको कार्यक्रममा धुर्कोट गाउपालिका प्रमुख भुपाल पोख्रेलको प्रमुख आथित्यता उपाध्यक्ष सीता गिरि यस्तै धुर्कोट गाउपालिका ३ जा वडा अध्यक्ष पदम बिस्ट ,वडा सदस्यहरुको आथित्यता रहेको थियो । कार्यक्रम प्रमुख अतिथी पोखरेल बाट दियो बाली उद्घाटन गरिएको थियो । कार्यक्रमना बोल्दै प्रमुख अतिथी पोखरेलले कार्यक्रम २०८२ सालको पहिलो बैठक भएको बताउनु भयो । भने अर्को बैठक वाग्लामा हुने बताउनु भयो । श्री सोमरभोमर माविका सहायक प्राध्यापक बाबुराम खनालको स्वागत मन्तब्य बाट शुरु भएको कार्यक्रम को सन्चालन शिक्षा युवा तथा खेल साखा प्रमुख दामोदर घिमिरेले गर्नु भएको थियो।

कोटिहोममा आज सम्म ८ हजार जल सहित कलश

पोखरा । पोखरामा जारी श्री गण्डकी शतकुण्डीय गायत्री कोटिहोम विराट ज्ञान महायज्ञमा ८ हजार कलश वितरण गरिएको छ ।

गत सोमबार यज्ञको पूर्णाहुतिसँगै महायज्ञ स्थलमा रहेका जल सहितको कलश भक्तजनलाई वितरण गरिएको महायज्ञ प्रचार प्रसार संयोजक लेखराज ढकालले जानकारी दिए । उनका अनुसार अव केही जल सहितको कलश रहेको हुनाले सचिवालयमा सम्पर्क गरेर भक्तजनले लैजान सक्नेछन् ।

धेरैजसो भक्तजनले पहिले नै कलश बुकिङ गरेका थिए भने कतिपय भक्तजनले हवन समापन पछि पैसा तिरेर जल सहितको कलश लिएर गएका हुन् ।  एउटा कलशको १ हजार ३ सय र दुई वटा लैजाँदा २ हजार ५ सय रुपैयाँ लाग्ने छ । कोटिहोममा ११ हजार शोभा कलश यात्रा गरिएको थियो ।

यज्ञको पूर्णाहुतिसँगै आजबाट भष्म र तिलक वितरण गर्ने भनिएता पनि लामो समयको होमनका कारण तातो भएर वितरण गर्न सकिएको थिएन । अव ३१ गते नै इट्टा, भष्म र तिलक सहित प्रसाद वितरण गरिने महायज्ञ प्रचार प्रसार संयोजक लेखराज ढकालले जानकारी दिए । उनका अनुसार १ सय रुपैयाँ तिरेर हवन कुण्डमा रहेका इट्टा पनि घरमा लान पाइने व्यवस्था रहेको छ ।

कोटिहोममा आज भागवत मञ्जरी राधिका दासीले सहभागिता भक्तजनलाई प्रसाद वितरण गरेकी थिइन् । महायज्ञका सङ्कल्पकर्ता बालयोगेश्वर श्री विजय कृष्णमूर्तिजी महाराजले गण्डकी कोटिहोममा यही जेठ ३१ गते सम्म प्रवचनात्म कार्यक्रमहरू भइरहेको हुँदा विश्वविख्यात कथा वाचक वाचिकाहरुको मुखारविन्दबाट अमृतरूपी कथा श्रवणपान गर्न नछुटाउन सबैलाई आग्रह गरे ।

गत सोमबार चर्चित धर्मगुरु कालिदास बाबा (काली बाबा) ले यज्ञको पूर्णाहुति गरेसँगै कोटिहोमको विधिवत् यज्ञ पूर्णाहुतिको साथसाथै फूलपाती विसर्जन र भगवान् मुक्तिनाथको पूजा अर्चना गरी अनुष्ठान पक्ष समापन गरिएको महायज्ञका निर्देशक शङ्कर खरालले जानकारी दिए।

उनले फूलपाती विसर्जनमा यज्ञका आचार्य मण्डल, कर्ताहरू र घोरपझोङ गाउँ पालिका मुस्ताङ प्रमुख मोहन सिंह लालचन र मुक्तिनाथ गाउँ पालिकाका प्रमुख  प्रशाकिय अधिकृत युवराज अधिकारी, कागवेनी र मुक्तिनाथ धार्मिक समिति  लगायत सबै सबैमा आभार धन्यवाद व्यक्त गरे ।

यसै गरी आज नै आचार्य गुरुहरूलाई बिदाइ पछि यज्ञका प्रमुख आचार्य लक्ष्मण भण्डारीले बौद्धिक मन्त्र जप सहित हवनको प्रसाद स्वरूप महायज्ञका सङ्कल्पकर्ता बालयोगेश्वर श्री विजय कृष्णमूर्तिजी महाराज माला प्रदान गरे । त्यस क्रममा यज्ञका प्रमुख आचार्य लक्ष्मण भण्डारीले हाम्रो जीवनकालमा प्राय असम्भव हुन यो कोटिहोमको जति नै तारिफ गरे नि कम हुने बताए ।

‘४ सय व्राह्मणलाई एकै ठाउँमा एउटै आचरणमा राख्नु काम चानेचुने थिएन’ उनले भने,‘ यज्ञ यत्र तत्र सर्वत्र हुन्छ, एउटा सङ्कल्पकर्ताले गरेको हामी प्रतिको सच्चा श्रद्धाले हामीलाई भाव विह्वल बनाएको छ ।’ कोटिहोममा आचार्य ब्राह्मण, सहयोग गर्ने सङ्घ संस्था, भजन समूह वाद्यवादन समूहलाई सम्मान सहित बिदाइ गरिएको थियो ।

महायज्ञ सम्म पनि मानव सेवा फाउन्डेसनलाई सहयोग गरी मानवीय सेवा जोडिन सकिने भएकोले पनि छुटेका भक्तजनलाई सचिवालयमा आएर सम्पर्क गर्न मानव सेवा फाउन्डेसनका व्यवस्थापक विष्णु थापाले जानकारी दिए । कोटिहोममा भक्तजनले आर्थिक सँग जग्गा दान पनि गरेका छन् ।

भागवत मञ्जरी राधिका दासीले कोटिहोममा जेठ १७ देखि श्रीमद्भागवत कथा वाचन गरिरहेकी छन् । उनले जेठ ३१ सम्म कथा वाचन गर्ने कार्यक्रम रहेको छ । पोखरा–१७ स्थित सदाशिवजी सिद्देश्वर हरिहर मन्दिरको जग्गा र आसपासका स्थानीयको जग्गामा कोटिहोम सञ्चालन भइरहेको छ । कोटिहोम जेठ ३१  गतेसम्म सञ्चालन हुनेछ ।

निन्यु खर्क माध्यिक विधालय धुर्कोट गाउँपालीका ३ हाडहाडे गुल्मीमा जुनियर युवा रेडक्रस गोष्ठि सम्पन्न भएको छ , निन्यु खर्क माध्यिमिक बिद्यालय धुर्कोट गाउपालीका ३ हाडहाडेको सभाहल मा गरिएको कार्यक्रममा नेपाल जुनियर युवा रेडक्रस धुर्कोट उपशाखाका सदस्य दामोदर घिमिरेका अध्यक्ष्ता ,धर्कोट गाउँपालीका अध्यक्ष भुपाल पोखरेलको प्रमुख आथित्यता ,रहेको थियो यस्तै धुर्कोट गाउपालीका वडा न्र ३ का अध्यक्ष पदम बहादुर बिष्ट नेपाल रेडक्रस जिल्ला कार्यसमिती सरस्वति भण्डारी,कार्यपालीका सदस्य, वडा सदस्उहरु धुर्कोट गाउपालीका का सम्पुर्ण बिद्यालयका प्र तथा प्रतिनिधि बिधार्थी लगाएतको उपस्थिती रहेको थियो निन्यु खर्क माध्यमिक बिध्यालयका प्राध्यापक कृष्ण बिष्टको स्वागत मन्तव्यबाट शुरु भएको कार्यक्रमको सन्चालन  शिक्षक असिम जिसीले गर्नू भएको थियो