Category: समाचार

गुल्मी  प्रतिनिधि  भदौ ८

गुल्मी, रुरुक्षेत्र–४ बलेगुल्मीका टक्सारका समाजसेवी इन्जिनियर झबिन्द्र ज्ञवाली लाई रेसुङ्गा संरक्षण समितिले भव्य रुपमा सम्मान गरेको छ।

इन्जिनियर ज्ञवालीले गुल्मीको गोशाला विकास, रेसुङ्गा क्षेत्रको रामकुवा जल बोतलिङ परियोजना, र स्थानिय लक्ष्मी थरका गाईको गहुँत निर्माणमा प्राविधिक र आर्थिक सहयोग पुर्याउँदै निरन्तर सक्रिय भूमिका निर्वाह गर्दै आउनुभएको छ।

उहाँको योगदानले केवल स्थानिय समुदायमा विकासको मार्ग प्रशस्त गरेको छ, तर नेपालका अन्य क्षेत्रहरूमा पनि सामाजिक र आर्थिक प्रगतिका प्रेरणा प्रदान गरेको छ।

रेसुङ्गा संरक्षण समितिका पदाधिकारीहरूले उहाँलाई सम्मान गर्दै भने, “झबिन्द्र ज्ञवालीको योगदानले हाम्रो समाज र समुदायमा अमूल्य प्रभाव पारेको छ। उहाँको लगनशीलता र समर्पण सधैं प्रेरणादायी हुनेछ।”

NRNA जापान , क्षेत्रीय समिति कुस्युले खुवायो अपाङ्ग आश्रममा तिजको दर

जापन प्रतिनिधि भदौ   ८

गैर आवासिय नेपाली संघ, राष्ट्रिय समन्वय परिषद जापान क्युस्यु क्षेत्रिय समितिले देविनगरस्थित नेपाल अपाङ आश्रमका आश्रितलाई तीजको दर खुवाएको छ ।

एनआरएन जापानका क्युस्यु क्षेत्रीय सचिब सुर्य कुवँरको पहलमा बुटवलको देविनगरमा आश्रितहरुलाई तीजको दर खुवाएको हो । जापानमा बसोबास गर्दै आएका बुटवलका कुवँरबाट भएको पहल र बुटवलका युवा अगुवा किशन थापाको समन्वयमा अपाङ्ग आश्रममा खाना खुवाउने कार्यक्रम गरिएको हो । सबैको घरदैलोमा चाड आउदा आश्रममा बसोबास गरेका दिदीबैनीहरुलाई पनि एक छाक मिठोमसिनो खुवाउने गरि कार्यक्रम गरिएको थापाले बताए ।

कार्यक्रममा बुटवल युवाहरु गोबिन्द गुरुङ, बारिस राना, सुनिल गुरुङ, बिराट भट्टचन, सुबिन श्रेष्ठ, प्रताप ठकुरी, केशव थापाले खाना खुवाउन सहजिकरण गरेका थिए । आश्रममा हाल ५९ जना आश्रित रहेका छन । उनिहरु पुजामा उपयोगी अगरबत्ती तथा घरेलु सरसफाईका सामग्रीहरु लगायत दैनिक उपयोगी सामनहरु उत्पादन गर्दै आएका छन ।

सत्यवती गाउँपालिका–१ अश्लेवा गुल्मीमा तीज गीत प्रतियोगिता सम्पन्न, राम माध्यमिक विद्यालय प्रथम

चुरामणि  तिमिल्सिना  भदौ    ७ रिडी

महिलाहरूको महान पर्व हरितालिका तीजको पावन अवसर पारेर सत्यवती गाउँपालिका वडा नम्बर १ अश्लेवा, गुल्मीमा साविक वडा स्तरीय तीज गीत प्रतियोगिता–२०८२ शुक्रबार भव्यतापूर्वक सम्पन्न भएको छ।

प्रतियोगितामा १० समूहको सहभागिता रहेको थियो। तीमध्ये राम माध्यमिक विद्यालय, सत्यवती–१, अश्लेवाले प्रथम स्थान हासिल गर्न सफल भयो। त्यसैगरी जनता माध्यमिक विद्यालय, अश्लेवा द्वितीय, नयाँ बस्ती आमा समूह तृतीय र समाजसेवी आमा समूहले सान्त्वना स्थान हासिल गरेका थिए। विजयी समूहलाई नगद पुरस्कार तथा सम्मानपत्रद्वारा सम्मान गरिएको थियो। साथै, प्रतियोगितामा सीता पाण्डेलाई उत्कृष्ट नृत्यको रुपमा घोषणा गरिएको थियो।

कार्यक्रमको अध्यक्षता वडा नम्बर १ का वडाध्यक्ष अर्जुन कनौजेले गर्नुभएको थियो भने गाउँपालिकाका अध्यक्ष टिकाराम पाण्डे प्रमुख अतिथि र उपाध्यक्ष निरमाया तरामु विशिष्ट अतिथि रहनु भएको थियो। कार्यक्रममा विद्यालय व्यवस्थापन समिति, विद्यालयका प्रधानाध्यापक, शिक्षक, अभिभावक, महिला समूहका प्रतिनिधि तथा जनप्रतिनिधिहरूको सहभागिता रहेको थियो।

प्रमुख अतिथि अध्यक्ष पाण्डेले सत्यवती गाउँपालिकाले शिक्षा, स्वास्थ्य, पूर्वाधार र संस्कृतिको संरक्षणमा उल्लेखनीय उपलब्धि हासिल गरेको उल्लेख गर्दै आगामी दिनमा यस्ता मौलिक कार्यक्रमहरूलाई गाउँ–गाउँमा पुर्याउने प्रतिबद्धता व्यक्त गर्नुभयो।

त्यस्तै, विशिष्ट अतिथि उपाध्यक्ष तरामुले महिलाहरू गाउँपालिकाको विकासमा महत्वपूर्ण आधार भएको भन्दै रोजगारी र उद्यमशीलतासँग जोडिने कार्यक्रमहरूमा पालिकाले आवश्यक सहयोग गर्ने प्रतिवद्धता व्यक्त गर्नुभयो।

कार्यक्रमका अध्यक्ष वडाध्यक्ष कनौजेलाई भने वडा नम्बर १ लाई नमुना वडा बनाउन निरन्तर प्रयत्नशील रहेको उल्लेख गर्दै आगामी दिनमा पनि महिलामुखी कार्यक्रमलाई निरन्तरता दिने आश्वासन दिनुभयको कुरा रिडी बाट सहकर्मी चुरामणि तिमिल्सिना ले समाचार पठाउनु भएको छ ।

अर्गलीमा मौलिक तीज गीत प्रतियोगिता २०८२ भाद्र ६ गते हुने

चुरामणि तिमिल्सिना भाद्र २ रिडी

तानसेन नगरपालिका–१४ अर्गालीस्थित शैलोच्य इङ्गलिश बोडिङ स्कुलले महिलाहरूको महान पर्व हरितालिका तीजको अवसरमा यस वर्ष पनि मौलिक तीज गीत प्रतियोगिता २०८२ आयोजना गर्ने भएको छ। कार्यक्रम आगामी भाद्र ६ गते विद्यालय परिसरमा हुने विद्यालय व्यवस्थापन समितिका अध्यक्ष विष्णुप्रसाद रेग्मीले जानकारी दिनुभयो।

गाउँ–टोलमा लुकेर रहेका मौलिक परम्परा, संस्कृति र कला उजागर गर्ने उद्देश्यले विद्यालयले विगतका वर्षहरूदेखि निरन्तर रुपमा यस्तो प्रतियोगिता गर्दै आएको छ। प्रतियोगिताले दिदीबहिनीलाई एकै स्थानमा भेला गराई दुःख–सुख साटासाट गर्ने अवसर समेत प्रदान गर्ने भएकोले यसको महत्व झनै बढेको विद्यालयका प्रिन्सिपल त्रैलोक्य न्यौपानेले बताउनुभयो।

कार्यक्रममा विजेता समूहलाई नगद पुरस्कारसहित प्रमाणपत्र प्रदान गरिने आयोजकले जनाएको छ।

चुरामणि तिमिल्सिना रिडी   भदौ  २

पाल्पाको रिब्दिकोट गाउँपालिकाका किसानहरू अहिले अकबरे खुर्सानी टिपेर संकलन केन्द्रसम्म पुर्‍याउन भ्याइनभ्याइ व्यस्त भएका छन्। आर्थिक वर्ष २०७६ सालदेखि शुरु गरिएको “अकबरे खुर्सानी कार्यक्रम” अहिले गाउँपालिकाभरि सफल बनेको छ।

गाउँपालिकालाई ‘खुर्सानीको हब’ बनाउने उद्देश्यका साथ तत्कालीन अध्यक्ष नारायणबहादुर जिसीको नेतृत्वमा २०० रोपनीबाट सुरु भएको यो कार्यक्रम अहिले बढेर करिब १३०० रोपनीमा फैलिएको छ। पूर्व अध्यक्ष जिसीका अनुसार विगतमा ५ करोडभन्दा बढीको कारोबार भएको यो खुर्सानी व्यवसायले यस वर्ष करिब ८ करोड रुपैयाँभन्दा माथिको कारोबार गर्ने अनुमान गरिएको छ।

साना किसानलाई समेत तालिम, प्रशिक्षण र प्राविधिक सहयोग उपलब्ध गराएर सुरु गरिएको यो अभियानले अहिले बस्तीबस्ती, टोलटोल र बजारछेउछेउमा समेत उत्पादन बढाएको छ। खुर्सानी टिपेर बिक्री गरेका किसानहरू दैनिक घरायसी खर्च धान्न सफल भएका छन्।

हाल पाल्पा, बुटवल, स्याङ्जा, भैरहवा, चितवनका साथै केही विदेशी बजारसम्म समेत रिब्दिकोटको खुर्सानी आपूर्ति भइरहेको छ। ठूला चाउचाउ उद्योगदेखि मसलाको पाउडर उत्पादन गर्ने कम्पनीहरूले समेत यहाँको अकबरे खुर्सानीलाई प्राथमिकता दिँदै आएका छन्।

संकलन केन्द्र हार्थोकमा स्थापना गरिएको छ भने त्यहाँबाट यातायात मार्फत विभिन्न स्थानमा पठाइने गरिएको छ। उद्योगहरूको अत्यधिक मागका कारण किसानहरूले उत्पादन धान्नै नसक्ने अवस्थामा पुगेको स्थानीय व्यापारीहरूको भनाइ छ।

“खुर्सानीबाट पनि ठूलो आम्दानी गर्न सकिन्छ भन्ने कुरा किसानहरूले अहिले मात्र व्यवहारमै अनुभव गरेका छन्। यसले रिब्दिकोटलाई खुर्सानी उत्पादनको केन्द्रका रूपमा स्थापित गरिदिएको छ,” पूर्व अध्यक्ष जिसीले भन्नुभयो।यता, वर्तमान अध्यक्ष नारायणबहादुर कार्कीले समेत किसानका कार्यक्रमलाई निरन्तरता दिँदै, उत्पादन र बजार व्यवस्थापनमा सहयोग गर्ने आश्वासन दिनुभएको छ।

चुरामणि तिमिल्सिना   श्रावण ३१

रुरु क्षेत्र–१ ठाडाबाटमा राधाकृष्ण मन्दिरको उत्घाटन आज हुदै

गुल्मी, रुरु क्षेत्र गाउँपालिका–१ ठाडाबाटमा निर्माण गरिएको राधाकृष्ण मन्दिरकोआज कृष्ण जन्माष्टमीको दिन, भव्य समारोहका बीच विधिवत् रूपमा उद्घाटन हुने भएको छ।

स्थानीय बासिन्दा, देश–विदेशमा रहेका दाजुभाइ तथा दिदीबहिनीहरू, र स्थानीय सरकारको आर्थिक सहयोगमा मन्दिर निर्माण गरिएको राधाकृष्ण मन्दिर व्यवस्थापन समितिका अध्यक्ष चेतबहादुर क्षेत्रीले जानकारी दिनुभयो। मनकामना आधारभूत विद्यालयको खाली जग्गामा यो मन्दिर निर्माण गरिएको हो। विद्यार्थी संख्या अत्यन्त कम भएपछि विद्यालयलाई अन्यत्र स्थानान्तरण गरी उक्त परिसरमा मन्दिर निर्माण गरिएको हो।

व्यवस्थापन समितिका सचिव गोविन्द ज्ञवालीका अनुसार बिहान भगवान श्रीकृष्णलाई विधिसम्मत रूपमा कालीगण्डकी स्नान मन्दिरमा प्रतिष्ठापना गरी बाजागाजा, भजन–कीर्तन र पाठ–पारायणसहित उद्घाटन गरिनेछ।

कोषाध्यक्ष बिन्दु सुवेदीका अनुसार गाउँमा विभिन्न मन्दिर भए पनि राधाकृष्णको मन्दिर नहुँदा यस्ता धार्मिक पर्वमा टाढासम्म दर्शन गर्न जानुपर्ने बाध्यता हटाउन यो मन्दिर निर्माण गरिएको हो। स्थानीयको दाबीअनुसार यस आसपासमा राधाकृष्णको यो मात्र मन्दिर हो।

व्यवस्थापन समितिले उद्घाटन पछी प्रमुख आर्थिक सहयोगी, जिन्सी सामाग्री दाताहरूलाई सम्मान गर्ने कार्यक्रमसमेत तय गरेको छ। मन्दिर निर्माण गर्ने कार्यक्रम २०७४ सालमा भएपनि आर्थिक अभावकै कारणले मन्दिर पूर्ण हुन नसकेकोले अहिले आर्थिक सहयोग जुटाएर निर्माण कार्य सम्पन्न गरिएको हो। आज दिनभरि पन्चेबाजा यस्तै थोर्गेलि भजन किर्तनको टिम लगायतको टोलीले प्रस्तुति प्रस्तुत रहने छ ।

एनटीभीए सचिव पदमा टेक पुन मगरको उम्मेदवारी घोषणा
सुरेश छन्त्याल
आगामी २०८२ साल भदौं ३ गते (१९ अगस्ट २०२५) हुने नेपाल पर्यटक यातायात व्यवसायी संघ (NTVA) को निर्वाचनमा सचिव पदका लागि टेक पुन मगरले औपचारिक उम्मेदवारी घोषणा गरेका छन्। बरिष्ठ पर्यटक यातायात व्यवसायी भिम बहादुर गोले तामाङको नेतृत्वमा रहेको समूहबाट उम्मेदवार बनेका मगर नरम, मिजासिलो र भद्र स्वभावका व्यवसायीका रूपमा परिचित छन्।

उम्मेदवारी घोषणा समारोहमा मगरले पर्यटक यातायात क्षेत्रको संरक्षण, संवर्द्धन र प्रवर्द्धनलाई आफ्नो पहिलो प्राथमिकता हुने स्पष्ट पारे। उनले भने, “वर्तमान कार्यसमितिको पाइपलाइनमा रहेका अधूरा योजनालाई निरन्तरता दिँदै प्रादेशिक कार्यालय विस्तार, इम्बुस्ट नम्बरसम्बन्धी व्यवसायीको अधिकार सुनिश्चित, सवारी पार्किङ्ग समस्या समाधान, आधुनिक भाडादर लागू र रातो नम्बर प्लेट सञ्चालनलाई पर्यटक यातायात कम्पनीमा मात्र सीमित गर्ने हाम्रो योजना हो।”

सचिव पदका उम्मेदवार मगरले व्यवसायीमैत्री वातावरण निर्माणका लागि शुद्ध सेवाभाव र पारदर्शितासहित काम गर्ने प्रतिबद्धता व्यक्त गरे। साथै, सम्पूर्ण पर्यटन व्यवसायी, चालक तथा सहचालकलाई आगामी निर्वाचनमा अमूल्य मत दिई आफूलाई विजयी गराउन आग्रह गरेका छन्।

पाल्पा   श्रावण   २९

तानसेन होमस्टे समिति पाल्पा (Homestay Association of Tansen – HAT) को अध्यक्ष पदमा तानसेन–३ का धनिश्वर बश्याल निर्वाचित हुनुभएको छ ।

बश्यालले २०६७ सालदेखि तानसेनमा होराइजन होमस्टे मार्फत पाल्पाको पर्यटन प्रवर्धनमा बिशेष टेवा पु¥याउँदै आउनुभएको छ ।

उहाँले सेवा सुरू गरेको ४ वर्ष पछि नेपालका उत्कृष्ट २५ सेवा प्रदायक होटल तथा होमस्टेको सुचीमा दोश्रो उपाधि सहित अन्तराष्ट्रिय अवार्ड प्राप्त गर्नुभएको थियो ।

सो उपलब्धि पश्चात बश्यालले गुणस्तरीय सेवामा विश्वास राख्नुहुन्छ । बश्याल होमस्टे महासंघ नेपालको केन्द्रिय उपाध्यक्ष विदेश विभाग प्रमुख तथा लुम्बिनी प्रदेश इन्चार्जको जिम्मेवारीमा समेत रहनुभएको छ । तानसेनको पर्यटक प्रवर्धनमा बस्यालले खेल्नुभएकोे भूमिका उल्लेखनीय रहेको उच्च मुल्यांकन सहित तानसेन नगर प्रज्ञा प्रतिष्ठानले तानसेनका उत्कृष्ट २५ उद्यमीका रूपमा बस्याललाई सम्मान गरेको थियो ।

२०७६ सालमा स्थापित HAT को नेतृत्व तेश्रो अधिवेशनसम्म होमस्टे व्यवसायी मनमोहन श्रेष्ठले गर्नुभएको थियो । २०६७ सालमा नेपाल सरकारले होमस्टे अवधारणा ल्याएको थियो । वर्तमान अवस्थामा पर्यटकहरू का माझ होमस्टे अवधारणा लोकप्रिय हुँदै गएको छ भने यो अवधारणाले आफैमा स्वरोजगारी प्रदान तथा नेपालका हरेक भूभागमा पर्यटनको पहुँच पुगेको बश्यालको भनाई
छ ।

उहाँ होमस्टे प्रवद्र्धनमा देशका विभिन्न स्थानमा तालिम सहजकर्ताको रूपमा सक्रिय छन। तानसेनको भगवतीतटोलमा विगत १५ वर्ष देखि संचालित होमस्टेको कारणले तानसेनमा आन्तरिक तथा बाह्य पर्यटक को आगमनमा वृद्धि भएको तानसेनका पर्यटन जानकारहरु बताउँछन् ।

नयाँ जिम्मेवारीले आफूलाई थप जिम्मेवारीबोधका साथै आगामी समयमा थप परिणाम डेलिभरी गर्नुपर्ने उत्तरदायित्व आफ्नो काँधमा आएको महसुस भएको साथै आफ्ना केन्द्रिय जिम्मेवारी हरुका सबै नेटवर्कलाई तानसेनको पर्यटन सँग जोड्ने योजना रहेको अध्यक्ष बस्यालले बताउनुभयो ।

चुरामणि तिमिल्सिना   रिडी

श्रावण   २८

रुरु क्षेत्र गाउँपालिका वडा नम्बर २ स्थित तल्लो ग्वादी आधारभूत विद्यालयमा अध्ययनरत सबै विद्यार्थीलाई ट्र्याकसुट वितरण गरिएको छ।

यो सहयोग अधिकांश विद्यालयका पूर्व विद्यार्थी तथा केही अन्यत्र अध्ययन गरेका व्यक्तिहरूको पहलमा गरिएको हो। सामग्री हस्तान्तरण गर्दै सहयोगी कृष्ण बिकले विद्यालयका बालबालिकालाई आवश्यक सामग्री उपलब्ध गराउन पाउँदा खुशी लागेको बताउनुभयो।

सहयोग वितरण कार्यक्रम विद्यालय व्यवस्थापन समितिका अध्यक्ष माधव ज्ञवालीको अध्यक्षतामा सम्पन्न भयो। कार्यक्रममा वडा अध्यक्ष घनश्याम अर्याल प्रमुख अतिथि रहनुभयो भने कार्यपालिका सदस्य हरि कला बराल, विद्यालयप्रेमी स्थानीय व्यक्तिहरू विशिष्ट अतिथि रहनुभयो।

विद्यालयकी प्रधानाध्यापक सावित्रा पौडेलले यस्ता सहयोगले विद्यालयको खर्च कटौती हुनुका साथै अभिभावकलाई राहत पुगेको बताउनुभयो। साथै, सहयोगी कृष्ण बिक, मनिषा बराल, शंकर खनाल, रवि सुनार, प्रकाश ज्ञवाली, ईश्वरी ज्ञवाली, मदन बिक, लक्ष्मण बिक र विष्णु ज्ञवालीप्रति विद्यालय परिवारको तर्फबाट धन्यवाद व्यक्त गर्नुभयो।

प्रमुख अतिथि वडा अध्यक्ष अर्यालले वैदेशिक रोजगारमा रहेका नेपाली तथा वडाबासीहरूबाट आधारभूत विद्यालय मात्र नभई अन्य विद्यालयहरूमा पनि सहयोग पुगीरहेको भन्दै आभार प्रकट गर्नुभयो। विद्यालय व्यवस्थापन समितिका अध्यक्ष ज्ञवालीले विदेशमा कमाएको रकमबाट बालबालिकाको लागि ट्र्याकसुट उपहार दिनु महान् उदाहरण भएको बताउनुभयो। कार्यक्रम व्यवस्थापन सुनिल सुनारले गर्नुभएको थियो।

र

चुरामणि तिमिल्सिना  रिडी  श्रावण २५

क्षेत्र गाउँपालिका–१ ठाडाबाटमा निर्माण गरिएको राधाकृष्ण मन्दिर यही साउन ३१ गते, कृष्ण जन्माष्टमीको दिन, भव्य समारोहका बीच विधिवत् रूपमा उद्घाटन हुने भएको छ।

स्थानीय बासिन्दा, देश–विदेशमा रहेका दाजुभाइ तथा दिदीबहिनीहरू, र स्थानीय वडा सरकारको आर्थिक सहयोगमा मन्दिर निर्माण गरिएको राधाकृष्ण मन्दिर व्यवस्थापन समितिका अध्यक्ष चेतबहादुर क्षेत्रीले जानकारी दिनुभयो। मनकामना आधारभूत विद्यालयको खाली जग्गामा यो मन्दिर निर्माण गरिएको हो। विद्यार्थी संख्या अत्यन्त कम भएपछि विद्यालयलाई अन्यत्र स्थानान्तरण गरी उक्त परिसरमा मन्दिर निर्माण गरिएको हो।

व्यवस्थापन समितिका सचिव गोविन्द ज्ञवालीका अनुसार साउन ३१ गते भगवान श्रीकृष्णलाई विधिसम्मत रूपमा मन्दिरमा प्रतिष्ठापना गरी बाजागाजा, भजन–कीर्तन र पाठ–पारायणसहित उद्घाटन गरिनेछ। हाल करिब ८० प्रतिशत तयारी पूरा भइसकेको र बाँकी काम धमाधम भइरहेको जानकारी दिनुभयो।

कोषाध्यक्ष बिन्दु सुवेदीका अनुसार गाउँमा विभिन्न मन्दिर भए पनि राधाकृष्णको मन्दिर नहुँदा यस्ता धार्मिक पर्वमा टाढासम्म दर्शन गर्न जानुपर्ने बाध्यता हटाउन यो मन्दिर निर्माण गरिएको हो। स्थानीयको दाबीअनुसार यस आसपासमा राधाकृष्णको यो मात्र मन्दिर हो।

व्यवस्थापन समितिले उद्घाटन समारोहकै दिन प्रमुख आर्थिक सहयोगी दाताहरूलाई सम्मान गर्ने कार्यक्रमसमेत तय गरेको छ।