चुरामणि तिमिल्सिना बैशाख १५
रिडी माध्यमिक बिद्यालय रिडी गुल्मीमा बिदाइ कार्यक्रम सम्पन्न भएको छ । कक्षा ११ का बिद्यार्थीहरुले कक्षा १२ का बिद्यार्थीहरुलाई औपचारिक कार्यक्रमका साथ सफलताको शुभकामना व्यक्त गर्दै कार्यक्रमको आयोजना गरिएको हो। कक्षा ११ का छात्र धन बहादुर कुमालको अध्यक्षतामा सन्चालित कार्यक्रममा प्रमुख अतिथि निमित्त प्रधानाध्यापक अनिल कुमार श्रेष्ठ रहनु भएको थियो। कार्यक्रममा शिक्षकहरु शंकर भट्टराई बिष्णु भण्डारी मान बहादुर थापा खुम प्रसाद मरासिनी , पदम अधिकारी ले आगामी बैशाख २६ गते हुने माध्यमिक तहको परिक्षाको शुभकामना प्रदान गर्दै अझै पनि समय रहेकोले अप्ठेरा विषय बस्तु लाई थप समय प्रदान गरेर अध्ययन गर्न आग्रह गर्नु भयो । यस्तै बिद्यार्थीहरु बिष्णु सुनार ,कमला पोखरेल , पुणिमा ज्ञवाली र बबिता कुमालले अहिले सम्म आफुले अध्ययन गरेको विषय बस्तु लाई सके सम्म परिक्षामा प्रस्तुत गर्ने अठोट गर्नु भयो। कार्यक्रममा बिद्यार्थीहरु लाई मायाको चिनो समेत प्रदान गरिएको थियो । बिच बीचबिचमा बिद्यार्थीले नृत्य समेत प्रस्तुत गरेका थिए । कार्यक्रमको सन्चालन पदम बिक र बबिता थापाले गर्नु भएको थियो।
About Author
Leave a Reply