जेष्ठ २१
यस घरेलु तथा साना उद्योग कार्यालय गुल्मी तथा जिल्ला प्रशासन कार्यालय गुल्मी, करदाता सेवा कार्यालय गुल्मी, रेसुङ्गा नगरपालिका गुल्मी तथा जिल्ला प्रहरी कार्यालय तम्घासको संयुक्त टोलिबाट रेसुङ्गा नगरपालिका ९ र १० को संगम देउरालीमा संयुक्त बजार अनुगमन गरिएको छ ।
अनुगमनको क्रममा भेटिएका म्याद नाघेका अखाद्य वस्तु बरामद गरि कर्मचारी तथा सुरक्षाकर्मीको रोहबरमा नष्ट गरिएको छ ।
पसलमा देखिएको समस्याको बारेमा मौखिक मात्रै नभई लिखित जानकारी दिइएको छ । साथै अर्कोपटक सुधार नगरे कारबाही गर्ने चेतावनी पनि दिइएको छ ।
अनुगमनको क्रममा: पसलको साइन बोर्ड नभएको,मुल्य सूचि नराखेको,दर्ता तथा नविकरण नगरेको र मिश्रीत ढंगले पसल सञ्चालन गरेको पाईएकोमा तत्काल सुधार गर्न निर्देशन दिइएको छ।
साथै अनुगमनले उपभोक्ता मात्रै होइन स्वयंम पसले पनि ठगिएको पुष्टि भएको छ । अन्यत्र बाट पसल- पसलमा समान पुराउने निहुँमा सोझा,इमानदार व्यवसायीलाई म्याद नाघेको वा म्याद नाघ्नै लागेको समान दिने गरेको पाईए पछि पसल व्यवसायीलाई समेत सचेत गराइएको छ ।
About Author
