श्रीराम गौतम गुल्मी
श्रावण ४
चन्द्रकोट गाउपालिका वडा.नं. १ दिब्रुङ्ग सराङ्ग गुल्मिमा रहेको शारदा माध्यमिक बिद्यालयमा रहेको परोपकारी संस्था नेपाल जुनियर तथा युवा रेडक्रस सर्कल को मुख्य आयोजना तथा बिद्यालयको संरक्षकत्वमा आयोजना गरिएको तीन दिने आधारभुत प्राथमिक उपचार तालिम को दोश्रो दिनको तालिम समापन भएको छ ।
रेडक्रस सर्कलका अध्यक्ष एलिष्मा बिश्वकर्मा, बिद्यालयका सुचना अधिकारी तथा शिक्षक बिष्णु प्रसाद सुबेदि यस्तै नेपाल जुनियर तथा युवा रेडक्रस सर्कल शान्तिपुर उपशाखा प्रमुख मिठु कुमारी घिमिरे गौतम, बिद्यालयका ६ जना शिक्षक र २४ जना बिद्यार्थी सहभागिता रहेको छ ।
कार्यक्रमको प्रमुख प्रशिक्षण बिद्यालयका सहायक प्रधानध्यापक लाल बहादुर रानाले गर्नुभएको हो भने सहायक प्रशिक्षकको रुपमा उपशाखा संयोजक घिमिरेले गर्नुभएको हो ।
आजको तालिममा रहेर सहभगिहरुले प्राथमिक उपचारका लागि आवश्यक पर्ने त्रिकोण पट्टि निर्माण, भाचिएको ठाउमा काम्रो बान्ने, मेरुदण्ड र टाउको भाचिएको अवस्थामा गरिने प्राथमिक उपचार, जलेको अवस्थामा गरिने प्राथमिक उपचार लगाएत शरीरको विभिन्न अङ्गमा हुने चोटपटक, मर्काइ तथा पोलेको अवस्थामा गरिने विभिन्न तरिकाको प्राथमिक उपचार गर्ने तरिका सिकेको प्रशिक्षक रानाले बताउनुभएको छ ।
त्यस्तै भोलि तालिमको अन्तिमदिनमा रहेर आकस्मिक स्ट्रेचर निर्माण लगाएतका कुरा सिकाइने प्रशिक्षक रानाले बताउनुभएको छ साथै तालिम पश्चात् तालिमको प्रमाण पत्र भोलि नै प्रयोगात्मक परीक्षा लिएर सक्षम हुने सहभागीलाई मात्र बितरण गरिने प्रशिक्षक रानाले बताउनुभएको छ । उहाले थप्दै भन्नुभयो प्राथमिक उपचार भनेको बिरामिलाइ हुन सक्ने थप जोखिम कम गर्नु भएकोले प्रयोगात्मक रुपमा सक्षम नभएका सहभागीलाई प्रमाणपत्र बितरण गर्दा भोलिको दिनमा गरिने प्राथमिक उपचारले हुन सक्ने थप जोखिम कम गर्नुको सट्टा बिरामिलाइ मृत्युुसम्म पनि पुर्याउन सक्ने हुदा परिक्षा लिएर मात्रै प्रमाणपत्र बितरण गर्न लागिएको हो ।बुुुधबार बाट सन्चालित तालिम भोलि सम्म चल्ने छ ।
About Author
Leave a Reply