चुरामणि तिमिल्सिना रिडी जेष्ठ २४
पाल्पाको अर्गलीमा सरसफाई कार्यक्रम सम्पन्न भएको छ। विश्व वातावरण दिवस २०८२ को पावन अवसरमा कुमारी बैंक लिमिटेड शाखा कार्यालय तानसेन पाल्पा, रिडी शाखा गुल्मी, र अर्गली शाखाले संयुक्त रुपमा पाल्पाको अर्गलीमा सरसफाई कार्यक्रम आयोजना गरेको हो। तीनवटा शाखा मिलेर आयोजना गरिएको कार्यक्रममा तानसेन नगरपालिका वडा नम्बर १४ अर्गली पाल्पाका वडाध्यक्ष शोभाकार भट्टराईको प्रमुख आतिथ्यता रहेको थियो।
सरसफाई कार्यक्रममा सामाजिक व्यक्तित्व तथा ऋषिकेश मन्दिर व्यवस्थापन समितिका अध्यक्ष परशुराम भट्टराईको विशिष्ट आतिथ्यता रहेको थियो। एक महिने सडक तथा सार्वजनिक क्षेत्र सरसफाई जागरण कार्यक्रम अभियान अन्तर्गत यो कार्यक्रम आयोजना गरिएको कुमारी बैंक लिमिटेड पाल्पा शाखाका प्रबन्धक रमेश लामिछानेले बताउनुभयो।
प्रबन्धक लामिछाने कार्यक्रम माथि प्रकाश पार्दै आफ्नो गाउँ टोल छरछिमेक बस्ती बजार टोल गल्दी धार्मिक पर्यटन क्षेत्र पार्टी पौव सार्वजनिक स्थलहरू मा नियमित सरसफाई हुनुपर्ने भएकोले सबैको साथ र सहयोग लाई मिलाई बैंकले अगुवाई गरेको कार्यक्रमले सबैलाई प्रत्यक्ष फाइदा पुग्ने हुँदा स्थानीय टोलटोलमा बैंकले कार्यक्रम आयोजना गरेको बताउँदै नगरपालिका वडा नम्बर १ देखि वडा नम्बर १४ सम्मका सबै वडाहरूमा यो कार्यक्रम आयोजना गरिने बताउनुभयो।सरसफाइ कार्यक्रममा निश्चित स्थानमा मात्र फोहोर व्यवस्थापन गर्न समेत टोलीले आग्रह गरेको हो।
सरसफाई कार्यक्रममा रिडी शाखाका प्रबन्धक भिष्म ज्ञवाली यस्तै अर्गली शाखाकी दिपा श्रेष्ठ शाखाका कर्मचारीहरु प्रहरी चौकी अर्गली पाल्पाको टिम स्थानीय व्यापारीहरु बौद्धिक वर्ग स्थानीय बासिन्दाहरु लगायतको उपस्थितिमा कार्यक्रम अगाडि बढेको थियो। पाल्पाको अर्गली बजार क्षेत्रलाई सुन्दर र सफा राख्नका निम्ति यहाँको बजार व्यवस्थापन समिति वडा समिति ,प्रहरी चौकी आमा समूह ,संघ संस्था ,वित्तीय कारोबार गर्ने संस्थाहरू ले यसको चासो दिनुपर्नेमा निरन्तरता पाओस् भन्ने शुभकामना परशुराम भट्टराईले व्यक्त गर्नुभयो। नगरलाई सफाइ राख्न नगरपालिकाले चालेको कदम लाई पनि सहयोग पुर्याउन प्लास्टिक अन्य फोहोर मैला समाप्त पार्ने अभियानमा निरन्तर दिनु पर्नेमा सहभागीले धाराणा व्यक्त गरेका थिए।
About Author
