चुरामणि तिमिल्सिना जेष्ठ२६रिडी
गुल्मी जिल्ला सत्यवती गाउँपालिका वडा नम्बर ६ जोहाङ्ग गुल्मीमा आत्मक्ष्मी मानव कल्याण प्रतिष्ठान को शनिबार एक औपचारिक समारोहका बीच आफ्नै निवासमा प्रतिष्ठानको उद्घाटन गरिएको हो। बि .स २०७८ साल जेष्ठ १३ गते महामारी कोभिड १९ को कारणले मृत्यु हुनु भएका सत्यवती ६ जोहाङ्ग निवासी स्व. आत्माराम भण्डारीको सम्झनामा प्रतिष्ठान स्थापना गरिएको उहाँकी धर्मपत्नी , प्रतिष्ठानकी अध्यक्ष तथा कार्यक्रमकी अध्यक्ष लक्ष्मी शर्मा भण्डारीले जानकारी दिनुभयो। स्व. भण्डारी सत्यवती बहुमुखी क्याम्पस सत्यवती ५ हँसरा गुल्मीका क्याम्पस प्रमुख तथा सत्यवती मावि का सहायक प्रधानाध्यापक समेत रहँदै आफ्नो कार्यसम्पादन गर्दै आउनुभएको थियो।
उहाँ समाजको एक अगुवा व्यक्तित्वको रुपमा तथा शिक्षा क्षेत्रको नक्षत्रको रुपमा समेत रहँदै आउनुभएको थियो। औपचारिक रूपमा उद्घाटन गरिएको कार्यक्रमका प्रमुख अतिथि सत्यवती गाउँपालिकाका अध्यक्ष टिकाराम पाण्डे रहनुभएको थियो। यस्तै पालिका उपाध्यक्ष निरमाया तरामु पूर्व पालिका अध्यक्ष पारिश्वर ढकाल को विशिष्ट आतिथ्यता रहेको थियो। यस्तै वडा नम्बर ४ का वडा अध्यक्ष पिताम्बर ज्ञवाली , वडा नम्बर ५ का वडा अध्यक्ष बाबुराम ज्ञवाली , ६ कार्यवाहक वडा अध्यक्ष छविलाल भट्टराई वडा नं ५ का वडा सदस्य ऋषिराम भण्डारी विभिन्न विद्यालयका प्रधानाध्यापक, शिक्षक, बौद्धिक वर्ग ,समाजसेवी लगायतको आतिथ्यता रहेको थियो।
कार्यक्रममा प्रमुख अतिथि पालिकाका अध्यक्ष पाण्डेले स्व भण्डारीको स्मरण गर्दै समाजमा अमर गराउन समाजमा नयाँ कार्यको सुरुवात गर्नुभएकोमा धन्यवाद दिँदै स्व. आत्माराम भण्डारीले समाज र शिक्षा क्षेत्रमा पुर्याउनुभएको योगदानको कदर गर्दै सत्यवती गाउँपालिका भित्रका मात्र नभई नेपालभरि यसले सदस्यता लिन सक्ने योजना बनाई अगाडि भन्न आग्रह समेत गर्नुभयो। उहाँले प्रतिष्ठानको सफलताको शुभकामना समेत व्यक्त गर्नुभयो र आफू पनि यस प्रतिष्ठानको आजीवन सदस्य भन्ने घोषणा गर्नुभयो।
यस्तै विशिष्ट अतिथि उपाध्यक्ष निर्माया तरामु र पूर्व अध्यक्ष पारिश्वर ढकालले प्रतिष्ठान यस स्थानीय तहमा पहिलो भएकाले सबैले साथ दिई अगाडि बढाउन आग्रह गर्दै स्व. भण्डारीले शिक्षा क्षेत्रमा परिवर्तन गर्न क्याम्पस सञ्चालन गर्न दिनुभएको योगदानको चर्चा समाजले कहिले पनि नभुल्ने बताउँदै यसलाई माथि उकास्नका निम्ति सबैले तह र तप्काबाट सदस्यता विस्तार गर्न लाग्नुपर्ने भनाइ व्यक्त गर्नुभयो। यस्तै कार्यक्रममा वक्ताहरूले स्व.आत्माराम भण्डारीले शिक्षामा मात्र नभई स्वास्थ्य खानेपानी भौतिक पूर्वाधार जनचेतनामूलक कार्यक्रम विभिन्न जानकारीमूलक विषयवस्तुका बारेमा समेत आवश्यकता अनुसार सहजीकरण पनि गर्दै आएको र यो क्षेत्रलाई अगाडि बढाउनका निम्ति योगदान गरेकोमा सदैव सम्झने र स्मृतिमा कार्यक्रम समेत आवश्यक भएकोले कार्यक्रमलाई निरन्तरता दिनका लागि समेत प्रतिष्ठान र उहाँको परिवारलाई आग्रह गर्नुभयो। प्रतिष्ठानलाई चलायमान गराउनका निम्ति ९ सदस्य कार्यसमिति समेत चयन गरिएको छ।
जसको अध्यक्षमा स्व. आत्माराम भण्डारीकी श्रीमती लक्ष्मी शर्मा भण्डारी उपाध्यक्षमा हरिप्रसाद भण्डारी सचिवमा विकास ढकाल कोषाध्यक्षमा लक्ष्मण ढकाल सहसचिव रामप्रसाद भण्डारी हराउनुभएको छ। यस्तै यादव भण्डारी कृष्णप्रसाद भण्डारी छविलाल भण्डारी सदस्य रहनुभएको छ यस्तै यस संस्थालाई जीवन्त राख्न साँचिका निम्ति तीन सदस्य समिति गठन समेत गरिएको छ। जसमा विष्णुप्रसाद भण्डारी देवीप्रसाद भण्डारी र बाबुराम ज्ञवाली रहनुभएको छ। यस्तै प्रतिष्ठानलाई संरक्षण गराउनका निम्ति संरक्षण समिति समेत तय गरिएको छ जसमा यज्ञमूर्ति भण्डारी गुरुप्रसाद भण्डारी टिकाराम पाण्डे नेत्रपाठक र बलराम शर्मा गैरे रहनु भएको छ ।। यस्तै प्रतिष्ठानमा पाँच सदस्य सल्लाहकार समिति समेत चयन गरिएको छ जसमा देवीप्रसाद भण्डारी, विष्णुप्रसाद भण्डारी ,सदस्य पारिश्वर ढकाल ,सदस्य ओमप्रकाश भण्डारी, विष्णुप्रसाद भण्डारी रहनुभएको छ।
शर्मा भण्डारीले कार्यक्रममा आफ्ना भनाई व्यक्त गर्दै आफू यो संसारमा रहँदासम्म कि प्रतिष्ठानलाई जीवन्त राख्नका निम्ति आफूले आर्जन गरेको रकम यी प्रतिष्ठानमा राख्ने आफूले सक्दो सहयोग हरेक विद्यालयको अक्षय कोष स्थापनामा प्रदान गर्ने योजना पनि अगाडि सारेको बताउनुभयो अहिले पनि सत्यवती माध्यमिक विद्यालय मा मात्र नभई सत्यवती गाउँपालिका भित्रका मा वि तहका सबै विद्यालयमा स्थापना गरेको बताउँदै केही आधारभूत तहमा पनि प्रदान गरेको बताउनुभयो उहाँले आफूले पढेको विद्यालय चन्द्रकोटका दुई विद्यालयमा समेत अक्षयकोष स्थापना गर्नुभएको छ।
उहाँ थ्प्दै भनुहुन्छ कि आत्माले शान्ति पाओस् भन्ने आशाका साथ तारकेश्वर धाम रुद्रेवेणीमा भण्डारा सञ्चालन गरेरिरहेकी छु। श्रीमानले पढाउने विद्यालयमा विद्यार्थी छात्रवृत्तिका लागि दुई लाख र उहाँकै सम्झनामा कार्यक्रम सञ्चालन गर्नका निम्ति रु ५ लाख 
अक्षय कोष समेत विद्यालयमा खडा गरेको गरेकोउहाँको भनाइ रहेको छ ।कार्यक्रमको सहजीकरण सचिव बिकास ढकालले गर्नु भएको थियो ।
About Author
