असार १० चुरामणि तिमिल्सिना रिडी
कालीगण्डकी गाउँपालिकाको स्याङ्जा को १७औँ गाउँसभा अधिवेशन विशेष कार्यक्रमका साथ सम्पन्न भएको छ। अधिवेशनको अवसरमा प्रदेशस्तरीय खेलकुद प्रतियोगितामा पदक प्राप्त गर्ने खेलाडीहरू, तिनका कोचहरू तथा खेलकुद क्षेत्रसँग सम्वन्धित कर्मचारीहरूलाई विशेष सम्मान प्रदान गरिएको छ।
गाउँपालिकाले खेलकुद क्षेत्रको विकास तथा प्रतिस्पर्धी क्षमताको अभिवृद्धि गर्न योगदान दिने व्यक्तित्वहरूको उच्च मनोबलका लागि यो सम्मान कार्यक्रम सञ्चालन गरेको हो। पदक विजेताहरूको उपलब्धि गाउँपालिका मात्र नभई सम्पूर्ण जिल्लाको गर्वको विषय भएको भन्दै सभामा उनीहरूलाई प्रमाणपत्र, दोसल्ला र पुरस्कारसहित सम्मान गरिएको थियो।
त्यसैगरी, कार्यसम्पादन मूल्याङ्कनको आधारमा उत्कृष्ट सेवा पुर्याउने गाउँपालिकाका कर्मचारीहरूलाई समेत सम्मान गरिएको छ। गाउँपालिकाले पारदर्शी मूल्याङ्कन प्रक्रिया अपनाउँदै उत्कृष्ट कार्यसम्पादन गर्ने कर्मचारीहरूको छनोट गरी सम्मान गर्दा सेवा प्रवाहमा थप उत्तरदायित्व र गुणस्तर वृद्धि हुने विश्वास व्यक्त गरेको छ।
कार्यक्रममा गाउँपालिका अध्यक्ष, उपाध्यक्ष, वडाध्यक्षहरू, प्रमुख प्रशासकीय अधिकृत, राजनीतिक प्रतिनिधि, पत्रकार तथा सर्वसाधारणको उल्लेख्य उपस्थिति रहेको थियो।
स्थानीय तहले खेलकुद तथा कर्मचारी सेवा विकासको क्षेत्रमा दिएको प्राथमिकता र सम्मानबाट आगामी दिनमा अझ प्रेरणादायी वातावरण सिर्जना हुने विश्वास व्यक्त गरिएको छ।
About Author
Leave a Reply