चुरामणि तिमिल्सिना श्रावण २३
गुल्मीको रुरु क्षेत्र गाउँपालिका वडा नं १ भटकुवामा पाँच दिने स्टेज उद्घोषण तालिम सम्पन्न भएको छ। जनप्रिय आमा समूह १ को आयोजनामा गरिएको तालिममा ३० जनाको सहभागिता रहेको थियो।
गाउँ–टोल, छरछिमेक, सार्वजनिक निकाय, औपचारिक तथा अनौपचारिक बैठकहरू सञ्चालन गर्दा आफ्नो परिचय दिनसमेत हिचकिचाउने दिदीबहिनीहरूलाई अगाडि बढाउने उद्देश्यले तालिम आयोजना गरिएको हो। कार्यक्रमका प्रशिक्षक तथा वडा सदस्य सुशील कुमार श्रेष्ठका अनुसार उद्घोषण कलाका कार्यक्रमहरू अत्यन्त आवश्यक छन्। नेतृत्व विकास, क्षमता अभिवृद्धि र सहजीकरणका थप कार्यक्रमहरू समेत सञ्चालन गर्ने योजना रहेको बताउनु भयो। उहाँले भटकुवा बासिन्दालाई यस्ता तालिमहरूमा सक्रिय सहभागिताका लागि आह्वान समेत गर्नु भयो।
समारोहका प्रमुख अतिथि तथा वडा अध्यक्ष नवराज बिकले रुरु क्षेत्र वडा नं १ मा यस्ता तालिमहरू वडाको पहलमा विभिन्न टोलमा सञ्चालन भैरहेको जानकारी दिनु भयो। वडा सदस्य सुशील कुमार श्रेष्ठले टोल–टोलमा पुगेर गरेको पहलको प्रशंसा गर्दै उहाँले आगामी दिनमा पनि क्षमता विकास र नेतृत्व विकासका कार्यक्रमहरू अझ प्रभावकारी रूपमा सञ्चालन गरिने बताउनुभयो।
समापन सत्रमा कार्यपालिका सदस्य लक्ष्मी भट्टराई, परशुराम ज्ञवाली, गोविन्द भट्टराई, लक्ष्मण खनाल, युवराज ज्ञवाली, नरबहादुर हमाल लगायतको उपस्थिति रहेको थियो। कार्यक्रममा माया खनालले स्वागत मन्तव्य राख्नु भएको थियो भने माया थापा, इन्दिरा न्यौपाने, सरिता बिके, मिठो भट्टराई, संगीता थापा लगायतका सहभागीहरूले तालिमपछि आफूहरूमा आत्मविश्वास बढेको अनुभव बाँडनु भयो। धन्यवाद मन्तव्य सावित्रा थापाले दिनु भएको थियो। र सञ्चालन सुजना सुनारले गर्नु भएको थियो।
About Author
Leave a Reply