चैत-२३,२०७९
प्युठान।
माण्डवी गाउँपालिका प्युठानको आयोजनामा सुरु भएको सेवा प्रबाह सम्बन्धि एकिकृत घुम्ती शिविर सम्पन्न भएको छ । शिविर गत चैत १९ गते आईतवार देखि वडा नं.-१ तिराम स्वास्थ्य चौकीबाट अौपचारिक रुपमा सुरु भएको थियो।जस अनुसार आज अन्तिम दिनको शिविर वडा नं.-४ उदयपुरकोट स्थित धाेवाघाटमा रहेको कामाक्षी माध्यमिक विद्यालयको परिसरमा सञ्चालन गरिएको थियो।गाउँपालिका अध्यक्ष नमराज अधिकारीले ब्यानर पढेर शिविरको उद्घाटन गर्नु भएको थियो।उद्घाटन कार्यक्रममा धारणा राख्दै प्रमुख अतिथि समेत रहनु भएका गाउँपालिका अध्यक्ष अधिकारीले उक्त शिविर जनमुखी,सेवामुखी भएको बताउनु भयो । यस्तै उहाँले स्थानीय सरकारले जनताको सहज सेवा र आवश्यकतालाइ केन्द्रित गरी आगामी दिनहरुमा समेत यस्ता कार्यक्रमहरु सञ्चालन गर्ने उल्लेख गर्नु भयो। कार्यक्रममा गाउँपालिका उपाध्यक्ष पुर्ण प्रसाद कालाथोकीले स्थानीय सरकारले जनताका लागि प्रदान गर्न खोजेका विभिन्न सेवाहरुको अधिक्तम सदुपयोग भएकोमा खुसी व्यक्त गर्नु भयो।यी र यस्तै विविध सेवालाई थप गरेर आगामी दिनमा समेत स्थानीय सरकारले घुम्ती शिविरलाई निरन्तरता दिने उपाध्यक्ष कालाथोकीको भनाई थियो। वडा नं.४ का अध्यक्ष डिल बहादुर घर्तीकाे अध्यक्षतामा सम्पन्न कार्यक्रमको सञ्चालन माण्डवी गाउँपालिकाका स्वास्थ्य शाखा प्रमुख ध्रुव कुमार पोख्रेलले गर्नु भएको थियो।साथै उद्घाटन कार्यक्रममा शिविरको आवश्यकता, महत्त्व र उद्देश्यका बारेमा माण्डवी गाउँपालिकाका प्रमुख प्रशासकीय अधिकृत प्रकाश पाण्डेले सहजीकरण गर्नु भएको थियो ।शिविरमा स्वास्थ्य सेवा तर्फ २५ जनाले ग्रामीण अल्ट्रासाउण्ड,४१ जनाले VIA /पाठेघरको जाँच र २३२ जनाले सामान्य स्वास्थ्य परिक्षणको सेवा लिईएका जनस्वास्थ्य निरिक्षक ध्रुर्व कुमार पोख्रेलले बताउनु भयो।यस्तै ९५ जनाको सुगर तथा १९ जनाको खकार परिक्षण गरिएको छ। पशुसेवा तर्फ १२० जनाले माटाे परिक्षण ,१३ जनाले नमुना सङ्कलन गराएका थिए ।साथै २जनाले जेष्ठ नागरिक परिचय पत्र प्राप्त गरेका छन्। शिविरमा डा.सुप्रिम वन्जाडे ,डा.सन्तोष केसि सहितको टाेलीले स्वास्थ्य परिक्षण गरेको थियोे।गाउँपालिका भित्रका पाँच वटै वडाहरुमा सञ्चालन गरिएको शिविरमा स्वास्थ्य,पशु,कृषि,जेष्ठ नागरिक,अपाङ्ग परिचय पत्र वितरण,व्यक्तिगत घटना तथा व्यवसाय दर्ता लगायतका गाउँपालिकाद्वारा प्रदान गरिने अत्यावश्यक सेवाहरु प्रवाह गरिएको थियो। शिविरमा जनप्रतिनिधि, कर्मचारी,स्थानी समाजसेवी एवम् वुद्धीजिवी सहितको उपस्थिति रहेको थियो। आज शिविरमा भने जिल्ला स्वास्थ्य कार्यालय प्युठानका चिकित्सक सहितको टाेलीकाे पनि सहभागिता रहेको थियो।शिविरबाट पालिका भरका झण्डै १९५० जना विभिन्न सेवा द्वारा लाभान्वित भएका छन्।यस्तै एकीकृत सेवा सहितको घुम्ति शिविरलाई समयको माग अनुसार निरन्तरता दिन विज्ञहरुको सुझाव छ।शिविरले गाउँपालिका वासीहरुमा सकारात्मक प्रभाव पारेको गाउँपालिकाको विस्वास छ।
About Author
