चुरामणि तिमिल्सिना भदौ १८
रुरुक्षेत्र गाउँपालिकामा गाउँपालिका स्तरिय खुल्ला तीज गीत प्रतियोगिता सोमबार नाच्ने डाडामा सम्पन्न भएको छ । महिलाहरुको महान पर्व हरितालिका तीजको पावन अवसरमा बिगतका वर्षहरुमा जस्तै यसवर्ष पनि कार्यक्रम आयोजना गरिएको कार्यक्रम का अध्यक्ष पालिका उपाध्यक्ष मिना देवि गौतमले बताउनु भयो। प्रतियोगितामा १४ समुहको सहभागीता रहेको थियो। जस्मा देवि महिला समुह रुरु क्षेत्र गाउँपालिका वडा न ४ ले प्रथम स्थान हासिल गरेको हो।
।यस्तै प्रतियोगितामा रुरु क्षेत्र ४ कै समाजसेवि महिला समुह बलेट्क्सारले दुत्तिय स्थान हासिल गर्न सफल भएको हो , प्रतियोगितामा भट्कुवा भ्युपोइन्ट रुरु १ ले तृतीय स्थान हासिल गरेको हो । यस्तै उत्कृष्ट नृत्यमा मिनाकोट आमा समुहकी कलाकार अमृता सारुले हासिल गर्नु भएको हो।
प्रतियोगितामा प्रथम हुने समुहलाई रु १५००० र प्रमाणपत्र दुत्तिय हुने समुहलाई रु १०००० र प्रमाणपत्र तृतीय हुने समुह लाई रु ५००० र प्रमाणपत्र यस्तै उत्कृष्ट नृत्य लाई रु २००० प्रदान गरिएको थियो। प्रतियोगितामा राष्टिय लोक तथा दोहोरि गीत प्रतिष्ठान गुल्मी का सल्लाहकार जनार्दन घिमिरे , सह सचिव अनिल खत्री र बिष्णु ज्ञवाली ले निर्यायक मन्डलको भुमिका निर्बाहा गर्नु भएको थियो।
कार्यक्रममा गाउँपालिकाका प्रमुख प्रशासकीय अधिकृत लक्षमण पाण्डे , जनप्रतिनिधि बाणिज्य संघ , पत्रकार ,सुरक्षा निकायको आतिथ्यता रहेको थियो
। समापन सत्रमा बोल्दै कार्यक्रमका प्रमुख अतिथि पालिकाका अध्यक्ष यदु ज्ञवालीले गीत मार्फत पालिकाका गतिबिधि , पालिकाकाको नतिजा , कृषि , शिक्षा , स्वास्थ्य , पर्यटन , रोजगार जस्ता विषयलाई केन्द्र बिन्दु बनाइ भावका माध्यम बाट सहभागी जनाएर गीत प्रस्तुत गर्नु भएकोमा सबै लाई धन्यवाद दिदै आगामी दिन्मा पनि यस्तै रचनात्मक कार्यक्रममा सहभागी हुन अनुरोध गर्नु भयो।
कार्यक्रममा सहभागी समुह सबैलाई सहभागी पुरस्कार समेत प्रदान गरिएको थियो। कार्यक्रमको संचालन दिपा गैरेले गर्नु भएको रिडी बाट सहकर्मी चुरामणि तिमिल्सिनाले समाचार पठाउनु भएको छ ।
About Author
