चुरामणि तिमिल्सिना , साउन २५
रिमुवा, गुल्मीका युवा पवन पौडेलले रुरुक्षेत्र गाउँपालिका–२ स्थित भरेक आधारभूत विद्यालयका विद्यार्थीलाई शैक्षिक सामग्री र पोशाक प्रदान गर्नुका साथै विद्यालयको कल्याणकारी कोषमा ५१ हजार रुपैयाँ आर्थिक सहयोग गरेका छन्।
शुक्रवार आयोजित कार्यक्रममा विद्यालयका प्रधानाध्यापक संगीत मगरले उक्त सहयोगबारे जानकारी दिँदै पौडेल हाल रोजगारीको सिलसिलामा दक्षिण कोरियामा रहेका भए पनि शिक्षा र सहयोगलाई उज्यालो भविष्यको आधार मान्दै निरन्तर योगदान गर्दै आएको बताए। विद्यालयका अनुसार यस्ता सहयोगी कार्यक्रमहरू समय–समयमा आयोजना हुँदै आएका छन्।
कार्यक्रमका प्रमुख अतिथि रुरुक्षेत्र गाउँपालिका–२ का कार्यवाहक वडा अध्यक्ष थर्कबहादुर कुँवरले विदेशमा रहँदै आफ्नो गाउँठाउँप्रति मायालु व्यवहार देखाउँदै सहयोग पुर्याएकोमा पवन पौडेलप्रति विशेष धन्यवाद व्यक्त गरे।
कार्यक्रम विद्यालय व्यवस्थापन समिति अध्यक्ष कमला बरालको अध्यक्षतामा सम्पन्न भएको थियो। सहायक प्रधानाध्यापक तथा संयोजक संगीत मगरले धन्यवाद ज्ञापन गरे भने शिक्षक विष्णुप्रसाद बरालले सञ्चालन गरेका थिए।
About Author
Leave a Reply